Bien aksionet ruse me 40%, rubla rënie rekord

Aksionet ruse kanë rënë me më shumë se 40 për qind kurse rubla ka arritur rekord të ulët kundrejt dollarit.

Më herët, bursa e Moskës ka pezulluar tregtimin, por kur tregtia rifilloi, aksionet nisën të binin.

Indeksi MOEX ka rënë deri në 45 për qind ndërsa ai RTS është ulur me më shumë se 40 për qind.

Kjo ka hequr afro 75 miliardë dollarë nga vlera e kompanive më të mëdha ruse.

Ndër më të goditurat janë bankat dhe kompanitë ruse të naftës, të cilat hasën në paqëndrueshmëri.

Aksionet në Sberbank, huadhënësin më të madh të Rusisë, në një fazë kanë humbur 57 për qind të vlerës së tyre. Kurse aksionet e Rosneft kanë pësuar rënie deri në 58 për qind.

Sakaq, rubla ka pësuar një rënie me kate-r për qind, duke u tregtuar me 85 për dollar dhe Banka Qendrore ka njoftuar se do të ndërhyjë në tregun e monedhës dhe do të sigurojë likuiditet shtesë për sektorin bankar.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.