Beyonce debuton pamjen e parë të filmit nga turneu i fundit “Renaissance”
Labinot Nimani
24.11.2023 12:07Kengetarja ikonike, Beyonce ka debutuar me pamjen e parë të filmit të saj dokumentar të frymëzuar nga turneu i fundit, që titullohet “Renaissance: A Film by Beyonce”, pikërisht në Ditën e Falënderimeve.
“Është Beyonce që ju uron ju dhe familjen tuaj një festë shumë të lumtur të Falënderimeve”, tha ajo në një klip prezantues përpara se të shfaqte trailerin.
Vështrimi i fshehtë fillon kur ylli i “Break My Soul” i mëson vajzës së saj 6-vjeçe Rumi një “mashtrim” për të kapur përmbajtje video cilësore me një celular, duke i thënë asaj: “Duhet ta kthesh anash”.
Rumi dëgjohet duke iu përgjigjur mamasë së saj dhe duke e kthyer kamerën në anën e saj për të dhënë një pamje të drejtpërdrejtë të fitueses së “Grammy”, shkruan CNN, transmeton AlbanianPost.
Beyoncé debuts new trailer for RENAISSANCE: A Film by Beyoncé on NBC’s #MacysThanksgivingDayParade coverage.pic.twitter.com/D7XMsTTGla
— BEYONCÉ LEGION (@BeyLegion) November 23, 2023
“Nuk kam asgjë për t’i vërtetuar askujt në këtë moment”, thotë Beyonce në trailerin, teksa shfaqen klipet e veta.
“Ne po krijojmë botën tonë, ky është shpërblimi im. Askush nuk mund ta heqë këtë nga unë”, shton ajo.
Sipas një përmbledhjeje zyrtare të filmit, bëhet fjalë për “qëllimin e Beyonce, punën e palodhur, përfshirjen në çdo aspekt të prodhimit, mendjen dhe qëllimin e saj krijues për të krijuar trashëgiminë e saj dhe për të zotëruar zanatin e saj”.
Beyonce përfundoi turneun e saj botëror “Renaissance”, duke thyer rekord muajin e kaluar dhe njoftoi se do të publikojë filmin e koncerteve më 1 dhjetor.
Biletat për “Renaissance: A Film by Beyonce” janë në dispozicion tanimë në SHBA.