Futbollisti nga Kosova, Mërgim Berisha, pritet që të largohet nga klubi i tij, Fenerbahce.
Këta të fundit e kanë vënë në listën e shitjeve Berishën, derisa janë duke pritur për ofertat më të mira.
Sipas mediave angleze, Leeds United është futur në garë për transferimin e sulmuesit kosovar, të cilët kanë ofruar 2 milionë euro për shërbimet e tij.
Megjithatë, kjo ofertë mund të konsiderohet e ulët, pasi që Fenerbahce kërkon 4 deri në 5 milionë euro për transferimin e Berishës.
Interesim për ish-përfaqësuesin e Gjermanisë U21 kishte shprehur edhe skuadra gjermane e Mainz.
Pra, Bundesliga ose Premierliga mund të jenë destinacioni i tij i ardhshëm për Berishën, derisa një gjë është e sigurt: ai do të shitet gjatë verës.
Kujtojmë që Fenerbahce e transferoi Berishën në verën e kaluar nga Salzburg-u për shumën e 5 milionë eurove.
Në sezonin e tij të parë me Fenerbahce-n, Berisha zhvilloi 33 paraqitje, prej të cilave ka shënuar shtatë gola dhe ka dhuruar tre asistime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
