Berisha përlotet teksa i jep lamtumirën Nishanit: Do mbetesh i gjallë me veprat dhe fisnikërinë
Kryetari i sapozgjedhur i Partisë Demokratike, Sali Berisha, është përlotur teksa po lexonte fjalimin lamtumirës në nder të të ndjerit ish-presidentit të Republikës së Shqipërisë, Bujar Nishani.
Berisha shprehu dhimbjen e madhe për ndarjen e tij të parakohshme nga jeta.
“Megjithëse largohesh nga ne përgjithmonë, për sa kohë ne do jetojmë, do mbetesh i gjallë me veprat, fisnikërinë, përkushtimin, shërbimet e çmuara ndaj Shqipërisë dhe shqiptarëve”, tha mes lotësh Berisha nga varrezat e Sharrës.
Berisha shprehu mirënjohjen e thellë për familjen e Nishanit dhe ndau me ta pikëllimin për humbjen e të dashurit të tyre.
“U prehsh në paqe miku im i dashur, i lehtë qoftë dheu i tokës sonë, lamtumirë”, e përmbylli i prekur Berisha fjalën e tij.
Gjatë kësaj dite u zhvilluan homazhe në nder të tij në sallën “Skënderbeu” të Presidencës.
Zyrtarë të lartë, politikanë, personalitete kombëtarë dhe ndërkombëtarë morën pjesë në ceremoninë mortore në nder të tij.
2 qershori është shpallur “Ditë Zie Kombëtare”, në nder të ish-kreut të lartë të shtetit, Bujar Nishani.
Ky i fundit shërbeu si president i Republikës së Shqipërisë nga 24 korriku i vitit 2012 deri më 24 korrik të vitit 2017.
Ai vdiq në moshën 56-vjeçare, për shkak të insuficiencës polmonare të theksuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Aksioni i Frontex në Ballkan jep efekt, bien drastikisht kalimet e jashtëligjshme
-
Peleshi viziton qendrën e Inovacionit të Kërkimit dhe Mbrojtjes në Hungari
-
Ambasadori rus, Mikhail Afanasiev, përfundon misionin diplomatik në Shqipëri
-
Mbledhje për dokumentarin e Rai-t, Spiropali: Kërkojnë të na vënë në tabaka emisionin e gatuar në Tiranë
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE