Sport

Benoit Badiashile talenti i radhës te Monaco


Benoit Badiashile është talenti i radhës që ekipi i Monaco-s ka nxjerr në futbollin profesionist. Klubi nga principata shquhet për nxjerrjen e talenteve të futbollit.  Kylian Mbappe është emri më i madh që klubi ka nxjerr së fundmi.

Badiashile vetëm 19-vjeç ka dalë nga ekipet zinxhire të Monaco-s. Francezi me orgjinë nga Kongo është 1.94m i gjatë luan si qendërmbrojtës.

Lojtari ka debutuar me ekipin e parë, që në sezonin 2018/19, por këtë sezon duket se e ka rritur nivelin e treguar në fushë.

Në sezonin aktual ka luajtur 26 ndeshje, ku ka shënuar dy gola dhe një asist. Vlerësimi i përgjithshëm i performancës së tij nga Sofascore është me notën 6.92.

Badiashile momentalisht aktivizohet edhe me Kombëtaren e Francës U21. Vlerën në tregun e transferimeve sipas Transfermarket-it e ka rreth 25 milionë euro.

Për lojtarin ka interes nga disa klube mes të cilave edhe Manchester United-i.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore