Kabineti i Përfaqësuesit të Lartë të Bashkimit Evropian për Politikë të Jashtme dhe Siguri, Josep Borrell, ka lëshuar tre deklarata të veçanta që konfirmojnë se cilat vende kanë respektuar sanksionet e fundit të Brukselit, ku bëhet me dije se Serbi është një nga vendet që nuk ka ndjekur politikat e Unionit.
Beogradi nuk ka respektuar tri paketat e sanksioneve të BE-së në lidhje me luftën kundër terroristëve, si dhe sanksionet ndaj individëve nga Irani për shkak të rolit që ky vend e luan në luftën në Siri dhe Ukrainë.
Sanksionet ndaj Iranit kanë të bëjnë me mbështetjen që ky vend e ofron, siç thuhet në deklaratën e BE-së; “luftës agresore të paprovokuar dhe të pajustifikuar të Rusisë kundër Ukrainës”, transmeton Radio Evropa e Lirë në gjuhën serbe.
Këshilli i BE-së vendosi që të shtojë pesë persona të përfshirë në zhvillimin dhe furnizimin e mjeteve ajrore pa pilot në Rusi në listën e individëve, subjekteve dhe organeve që i nënshtrohen masave kufizuese.
Sa i përket Sirisë, Këshilli i BE-së vlerëson se Irani i ofron mbështetje ushtarake regjimit sirian, dhe duke pasur parasysh këtë u mor vendim që në listën e personave fizikë dhe juridikë të shtohet një person i përfshirë në zhvillimin dhe dërgimin e sistemeve të mbrojtjes ajrore në Siri.
Të gjitha vendet e tjera të Ballkanit Perëndimor si vende anëtare të Zonës Ekonomike Evropiane janë harmonizuar me këto sanksione.
“Këto vende do të sigurojnë që politikat e tyre kombëtare të jenë në përputhje me këto vendime të Këshillit. Bashkimi Evropian e merr parasysh këtë angazhim dhe e mirëpret atë”, thuhet në tre deklarata të lëshuara nga Josep Borrell.
Që nga fillimi i luftës në Ukrainë, në shkurt 2022, shkalla e harmonizimit të Serbisë me politikën e jashtme të përbashkët të BE-së ka rënë në mënyrë drastike, sepse vendi nuk ka vendosur sanksione ndaj Rusisë.
Ndryshe, që nga agresioni i Federatës Ruse në Ukrainë, Serbia, ndryshe nga vendet e tjera të rajonit, nuk i ka vënë sanksione Moskës, duke mos ndjekur kështu linjën e politikave të vendeve perëndimore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gazetarja serbe: Vuçiç s’e thotë të vërtetën – Kosova është shtet i pavarur
-
Çfarë nënkupton zgjedhja e Marta Kos si Komisionere e Zgjerimit?
-
“Përndjekje ndaj simbolit tonë kombëtar”, Mustafi dënohet nga Serbia për ngritjen e flamurit shqiptar
-
Ish-diplomati serb: Kosova histori e mbyllur, Vuçiçi po e dorëzon
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi