BE në mbështetje të krijimit të Parkut Kombëtar të Vjosës

Ambasadori i Bashkimit Evropian në Shqipëri, Luigi Soreca, është në mbështetje të plotë të krijimit të Parkut Kombëtar të Vjosës.

Sipas ambasadorit, BE-ja është duke e ndjekur çështjen nga afër dhe zhvillon konsultime të vazhdueshme me autoritetet shqiptare.

“Është me rëndësi të madhe të dëgjohen zërat e komuniteteve lokale dhe ekspertëve mjedisorë”, shkruan ambasadori.

Një takim ndërkaq është zhvilluar ditën e djeshme në Bashkinë Përmet, ku ndër temat e cekura ka qenë edhe ajo e lumit Vjosë. Pjesë e takimit kanë qenë edhe ambasadorja e Greqisë, Sophia Philippidou dhe kryetarja e Bashkisë Përmet, Alma Hoxha.

We support the initiative for the creation of the #Vjosa National Park🏞. @EUinAlbania🇪🇺continues to follow this closely together with #EU MSs Embassies and in consultation with🇦🇱authorities. It is crucial that the voice of local communitites and environmental experts is heard. https://t.co/cC9LIVN3dv

— Luigi Soreca🇪🇺 (@LSorecaEU) May 26, 2021

Në takim, kanë qenë gjithashtu të pranishëm ekspertë mjedisorë shqiptarë dhe grekë. Rëndësia e prezervimit të lumit Vjosë ka qenë objekt themelor i diskutimit.

Vjosa është ndër lumenjtë e fundit në Evropë, i cili është ende i virgjër.

Qeveria shqiptare disa herë ka garantuar se nuk do të ketë ndërtim të hidrocentraleve mbi Vjosë. Kjo, pavarësisht potencialit të madh që lumi zotëron.

Projekt ka pasur për ndërtimin e një hidrocentrali në Kaliçav, por ai është riparë disa herë. Ndërkaq, shoqëria civile shpesh herë ka ngritur alarmin për dëmtimin e lumit, duke zhvilluar edhe peticione online.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.