Me një mesazh të thjeshtë në median sociale Twitter, delegacioni i Bashkimit Evropian në Tiranë, ka bërë me dije se këta të fundit janë gati për samitin e të martës, mes unionit dhe gjashtë vendeve të Ballkanit Perëndimor, i cili do të zhvillohet për të parën herë në një vend të rajonit.
Duke publikuar sërish një mesazh nga ambasadorja e BE-së në Shqipëri, Christiane Hohmann, në faqen zyrtare të Twitter-it të delegacionit evropian në Shqipëri, ka vijuar edhe një mesazh i posaçëm.
“Të martën, Shqipëria pret Samitin BE – Ballkani Perëndimor. Për herë të parë, udhëheqësit e shteteve anëtare të unionit dhe Ballkanit do të takohen në rajon për të rikonfirmuar perspektivën e anëtarësimit në Evropë”, shkruhet aty.
Të martën,🇦🇱pret Samitin BE – Ballkani Perëndimor. Për herë të parë, udhëheqësit e shteteve anëtare të🇪🇺 & BP do të takohen në rajon për të rikonfirmuar perspektivën e anëtarësimit në🇪🇺, të përforcojnë partneritetin tonë strategjik & të fuqizojnë sigurinë & bashkëpunimin rajonal. https://t.co/i7u2G5BeB0
— EU in Albania (@EUinAlbania) December 3, 2022
Teksa më tej, në përfundim, shpjegohen edhe tre arsyet madhore të këtij Samiti, të cilat janë përforcimi i partneritetit strategji, fuqizimi i sigurisë dhe bashkëpunimi rajonal.
Tirana, në 6 dhjetor, do të kthehet kështu në epiqendrën e politikës evropiane, duke qenë vend mikpritës i 27 liderëve evropianë dhe gjashtë rajonalë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shkodër/ Sekuestrohen 37 mijë e 336 kubikë me fidanë kanabisi, një i arrestuar dhe një tjetër i shpallur në kërkim
-
Sterilizimi, Beqaj paraqitet në SPAK
-
Lejuan 37 ndërtime të paligjshme në Lushnjë, Gjykata dënon 12 persona
-
BERZH i jep Shqipërisë 75 milionë euro kredi për të mbajtur të pastër lumin Vjosa