BE-ja e cilëson si provokim vendimin e Dodik për ndalimin e hyrjes së Schmidt në Republikën Srpska

Vendimi i presidenti ultra-nacionalist i Republikës Srpska – entiteti serb në Bosnje e Hercegovinë – Millorad Dodik, për të ndaluar hyrjen e Përfaqësuesit të Lartë, Christian Schmidt, në këtë entitet, është cilësuar si një provokim i radhës që e shkel kuadrin kushtetues të vendit, nga Zyra e Bashkimit Evropian në Sarajevë.

“Iniciativa nuk është as e ligjshme, por as e zbatueshme. BE-ja mbështet misionin e Përfaqësuesit të Lartë dhe Zyrën e tij”, ka thënë Zyra e BE-së në Bosnje dhe Hercegovinë.

Vendimi në fjalë u kritikua edhe nga Ambasada e Shteteve të Bashkuara të Amerikës në Bosnje e Hercegovinë, e cila e cilësojë atë si një sulm ndaj “Marrëveshjes së Paqes të Dejtonit, rendit kushtetues të Bosnje-Hercegovinës dhe shtetit të Bosnje-Hercegovinës”.

Sipas Ambasadës Amerikane, Schmidt është përgjegjës për zbatimin e aspekteve civile të Marrëveshjes së Paqes të Dejtonit, e cila i detyron zyrtarët të bashkëpunojnë me të.

Dodik tha se Schmidt do të arrestohet ose deportohet nëse ai vije në Republika Srpska.

Ky njoftim erdhi disa muaj pas tensioneve në rritje në BeH për shkak të nënshkrimit të ligjeve të diskutueshme nga Dodik.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.