Ndeshjet e së shtunës në Bundesligë ishin interesante dhe me shumë gola.
Dueli mes Bayern Munich dhe Augsburg përfundoi me fitoren e këtyre të parëve me rezultat 1:0.
Bayern ishin dominant por e kishin të vështirë të gjenin golin.
Bavarezët kishin 13 mundësi shënimi, dhe mbajtën topin 65% të ndeshjes.
Goli i vetëm i ndeshjes erdhi në minutën e 82-të, ku shënoi Robert Lewandowski për t’i dhënë fitoren bavarezëve nga pika e penalltisë.
Bayern radhiten në pozitën e parë me 69 pikë, ndërsa Augsburg janë në vendin e 14-të me 32 pikë.
Në anën tjetër, dueli mes Koln dhe Mainz ishte shumë më dinamik ku u shënuan pesë gola.
Ndeshja përfundoi me fitoren e Koln, me rezultat 3:2.
Dueli ishte i baraspeshuar, ku të dy skuadrat kishin shumë mundësi shënimi.
Goli i parë u shënua nga Mainz në minutën e 14-të, me anë të Jonathan Burkardt.
Në pjesën e dytë, në minutën e 55-të, Mainz dyfishuan epërsinë në 0:2 me anë të Karim Onisiwo.
Në minutën e 60-të, Koln gjetën golin e tyre të parë për të ngushtuar epërsinë me anë të Ellyes Skhiri.
Koln shpërthyen në minutën e 78-të ku barazuan me anë të Dejan Ljubicic, dhe pas vetëm katër minutash morën epërsinë me mbrojtësin 22-vjeçar, Luca Jannis Kilian.
Koln radhiten në pozitën e shtatë me 43 pikë, ndërsa Mainz janë në vendin e 10-të me 38 pikë.
Ndeshjet e tjera në Bundesligë përfunduan kështu:
Greuther Furth 0:2 Borussia Monchengladbach
Wolfsburg 4:0 Arminia Bielefeld
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
