Bayern Munich nuk do ta transferojë Gvardiol-in

Josko Gvardiol ishte një ndër futbollistët më të mirë në Kupën Botës, Katar 2022.

Pas paraqitjeve tejet të mira në repartin e mbrojtjes së Kroacisë, Gvardiol ishte në qendrën e vëmendjes të shumë klubeve të mëdha evropiane.

Raportohej se deri në 100 milonë euro ishin të gatshme disa ekipe të shpenzonin për qendërmbrojtësin e Dinamo Zagreb, ku njëra prej tyre ishte Bayern Munich.

Megjithatë, bavarezët nuk kanë ndërmend të shpenzojnë, teksa drejtori sportiv, Hasan Salihamidzic, theksoi se në skuadrën e tyre janë tre nga mbrojtësit më të mirë të Evropës dhe ekipi nuk ka nevojë të ndërhyjë në atë repart.

“Nuk kemi parashikuar asnjë lëvizje për të nënshkruar me ndonjë qendërmbrojtës. Jemi të mbuluar mjaft mirë në atë rol me De Ligt, Lucas Hernandez dhe Upamecano”, tha Salihamidzic.

“Bëhet fjalë për tre lojtarë shumë të mirë, nga më të mirët në rolin e tyre. Kemi ndër të tjera edhe Josip Stanisic, ndaj nuk do të ndërmarrin asnjë hap për Gvardiol”, shtoi drejtori sportiv i Bayern-it.

Pra, Bayern duket se nuk do të marrë pjesë në garën për transferimin e mbrojtësit kroat, derisa ekipi favorit për ta transferuar atë, duket të jetë Chelsea.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.