Të dielën e 7 nëntorit, në orën 18:00 do të mblidhet kryesia e Grupit Parlamentar të Partisë Demokratike.
Deri më tani nuk dihet çfarë do të diskutohet në mbledhje. Por, aksioni opozitar ka nisur punën në parlament.
Më 20 tetor PD-ja ka depozituar zyrtarisht tre amendamentet kushtetuese në Kuvendin e Shqipërisë.
Përkatësisht janë reforma territoriale, zgjedhore dhe vetting-u i politikanëve .
Nga ana tjetër PD-ja ka shpallur dhe zgjedhjet e reja për drejtuesit e forumit rinor dhe grave.
Për shkak të kësaj të fundit, kryetari i FRPD-së, Belind Këlliçi, i ka dalë kundër kreut të PD-së, Lulzim Basha dhe është drejtuar kah foltores së liderit historik Sali Berisha.
Ky i fundit ka nisur aksionin opozitar brenda PD-së duke kundërshtuar vendimet e Bashës.
Ishte një vendim i Departamenti amerikan të Shtetit më 19 maj 2021, i cili e shpalli Berishën persona non grata.
Pikërisht për shkak të këtij përcaktimi, Sali Berisha u përjashtua nga Basha, prej Grupit Parlamentar të demokratëve, vetëm një ditë përpara fillimit të legjislaturës së re kuvendore, më 9 shtator 2021.
Në përgjigje të përjashtimit, Berisha nisi foltoret e tij me një bazë të militantëve demokratë. Synimi kryesor i tij është rrëzimi i vendimit të Bashës për përjashtimin e tij.
Për këtë, ish-kryeministrit i duhet të mbledhë firmat e nevojshme për thirrjen e Kuvendit Kombëtar, gjë që ai pretendon se e ka kryer tashmë.
Berisha është zotuar që më 11 dhjetor do të mbahet Kuvendi Kombëtar i PD-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Osmani s’e komenton fare regresin me 19-të vende të Kosovës në lirinë e medias, flet për lajmet e rreme