Barometri i Reformave Evropiane: Pesë ministri kanë performancë të kufizuar

Barometri i Reformave Evropiane, ka prezantuar të premten së bashku me Grupin për Studime Juridike dhe Politike (GLPS) si dhe Institutin e Kosovës për Politika Evropiane (EPIK), performancën e ministrive, duke përfshirë edhe Zyrën e Kryeministrit.

Sipas këtij raporti, tetë ministri të Qeverisë kanë treguar performacë të mirë dhe pesë të tjera kanë treguar performancë të kufizuar.

Ndërsa, vlerësimi për Qeverinë ka qenë me 51 pikë prej 100 që ishin në total.

Tetë ministrisë që konsiderohet se janë me performancë më të mirë janë: Ministria e Ekonomisë me 64 pikë, ministria e Mjedisit, Planifikimit Hapësinor dhe Infrastrukturës me 64 pikë, ministria e Arsimit, Shkencës, Teknologjisë dhe Inovacionit me 60 pikë, ministria e Bujqësisë, Pylltarisë dhe Zhvillimit Rajonal me 60 pikë.

Ministria e Punëve të Brendshme (MPB), është vlerësuar me 56 pikë, ministria e Industrisë, Ndërmarrësisë dhe Tregtisë me 56 pikë, ministria e Drejtësisë me 53 pikë dhe ministria e Financave, Punës dhe Transfereve me 53 pikë.

Ndërkaq pesë ministritë me performancë të kufizuar janë: Ministria për Kthim dhe Komunitete me 46 pikë, ministria e Shëndetësisë me 45 pikë, Zyra e Kryeministrit me 39 pikë, ministria e Kulturës, Rinisë dhe Sporteve me 36 pikë dhe ministria e Administrimit të Pushtetit Lokal me 29 pikë.

Ky është vetëm edicioni i parë i barometrit që përfshinë periudhën janar-dhjetor 2023, ku është bërë vlerësimi i ministrive.

Në panelin e diskutimeve përveç pjestarëve të dy organizatave joqeveritare, kanë qenë të pranishëm edhe ministri i Mjedisit, Planifikimit Hapësinor dhe Infrastrukturorë, Liburn Aliu, si dhe ministrja e Arsimit, Arbërie Nagavci.

Nga ta është vlerësuar se këto të dhënat do t’u mundësojnë qasje më të lehtë qytetarëve në informata mbi performancën e institucioneve publike.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.