Katalanasit e Barcelona-s kanë shprehur dëshirën e transferimit të sulmuesit të Basel-it, Arthur Cabral, për vlerën e 16 milionë paundëve.
Megjithatë, kjo nuk duket shumë e prekshme për ekipin e Barçës, pasi ata po përballen me një krizë financiare. Borxhi ka kapur vlerën rreth 1.55 miliardë paund.
Lëndimet e dy sulmuesve, Ansu Fati-t dhe Martin Braithwaite-t, duke i lënë ata jashtë fushës së lojës, solli një alternativë pozitive në interesin e klubit katalanas për blerjen e sulmuesit Cabral.
Barça mund të nënshkruajë me lojtarë të tjerë, por fillimisht duhet të largojë mesfushorin Philippe Coutinho-n. Kjo për shkak se paraqitja e tij në fushë nuk ka qenë në nivelin e duhur.
Sulmuesi i Baseli-t mbetet një element kyç i rëndësishëm për ekipin e katalanasve, për të përforcuar fazën sulmuese. Po ashtu edhe rritjen e fuqisë së skuadrës.
Cabral, 23 vjeç, iu bashkua skuadrës zvicerane të Basel–it në vitin 2019 nga Palmeiras-i. Deri më tani, ai ka shënuar 23 gola.
Trajneri i Barçës, Xavi Hernandez-i, duket se ka goxha mungesë në sulm, por kjo s’e pengon atë të krijojë një formacion të “ngurtë”.
Ish-mesfushori katalanas, Deco, tashmë në rolin e zbuluesit të talenteve për Brazilin dhe Portugalinë është një adhurues i madh i sulmuesit Cabral. Ai beson se klubi e përballon transferimin e lojtarit.
Skuadra e Basel-it ka shprehur gatitshmërinë për shitjen e yllit brazilian. Kjo pasi kontrata e tij përfundon në verën e vitit 2023.
/Albanianpost.com
