Barcelona kërkon shkëmbimin Dest-Meunier

Mbrojtësi i Barcelonës, Sergino Dest mund të vendoset t’i bashkohet Borussia Dortmund-it si pjesë e një marrëveshje shkëmbimi për mbrojtësin Thomas Meunier, raporton Sport.

Pala katalanase thuhet se po planifikon të përdorë Dest-in për të marrë shërbimet e 30-vjeçarit belg, pa paguar çmimin e kërkuar prej 15 milionë eurosh të Dortmund-it.

Shkëmbimi i ngjashëm do të nënkuptonte gjithashtu që skuadra gjermane nuk do të duhej të kërkonte një zëvendësues kaq vonë në merkato.

Pas dështimit për të siguruar një marrëveshje me Chelsea-n për Cesar Azpilicueta-n, menaxheri i Barcelonës, Xavi është ende në kërkim të një mbrojtësi të djathtë për të sfiduar Sergi Roberto-n, me Hector Bellerín nga Arsenali dhe Juan Foyth nga Villarreal thuhet se janë të rreshtuar si opsione të mundshme të minutës së fundit nëse Dortmund refuzon propozimin e tyre për të shkëmbyer mbrojtësin e krahut.

Javën e kaluar, Xavi u takua me Dest-in dhe i tha atij se ai duhet të kërkonte një klub tjetër.

“Duke qenë i sinqertë, ne donim të nënshkruanim me Azpilicuetën dhe nuk mundëm, kështu që kjo është situata”, tha Xavi në një konferencë të fundit për shtyp.

Meunier është me Dortmund-in që nga viti 2020, por raportohet se është i interesuar të largohet.

Para kësaj, ai luajti në Paris Saint-Germain për katër sezone ku ai ishte një titullar i shpeshtë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.