Biznes

Banca Generali, bien obligacionet e kujdesit shëndetësor të goditur nga pandemia


Një nga bankat më të mëdha private të Evropës ka regjistruar një vlerë të vogël të obligacioneve, afro gjysmë miliardë euro, të cilat janë të lidhura me sistemin publik të kujdesit shëndetësor italian.

Banca Generali ka treguar për agjencinë e lajmeve, “Financial Times”, se nuk do të tregtonte më bono të mbështetura nga faturat që u detyroheshin autoriteteve shëndetësore publike italiane.

Gjithashtu ka treguar se nuk do të shpërndante më borxhin e lidhur me kujdesin shëndetësor të shitur nga CFE, një bankë investimesh që organizoi marrëveshjet.

“Banca Generali ka ndaluar shpërndarjen e letrave me vlerë të kujdesit shëndetësor të rregulluar nga CFE-ja dhe vendosi të largohet nga ky biznes”, ka deklaruar banka.

Muajin e kaluar, banka u tha investitorëve të saj se “për të mbrojtur klientët” nga humbjet e mundshme, do të blinte të gjitha bonot e shitura për klientët e saj në marrëveshjet e kujdesit shëndetësor të rregulluar nga CFE-ja.

Dhe se do të rezervonte një provizion prej 80 milionë eurosh për vlerën e borxhit.

Këto humbje në bonot e lidhura me kujdesin shëndetësor, të cilat përbëhen nga faturat që u detyrohen ofruesve të kujdesit shëndetësor nga sistemi shëndetësor publik italian, u shkaktuan nga një rivlerësim i mundësisë që borxhi të shlyhet plotësisht pas pandemisë.

Ndërkohë, dispozitat e rezervuara nga banka mbi borxhin e kujdesit shëndetësor, theksojnë pengesat e investimit në borxhe të lidhura me një sektor ku një numër i autoriteteve lokale të kujdesit shëndetësor italian jugor janë në borxhe të shumta.

Kurse disa të tjerë janë vënë në administrim të jashtëzakonshëm nga qeveria italiane pasi u zbulua se janë infiltruar nga krimi i organizuar.

Vitin e kaluar, “Financial Times” zbuloi se një sasi e vogël e faturave të përmbajtura në këto bono të siguruara të shitura për klientët privatë të bankës, ishin lëshuar nga kompanitë kryesore që punonin për klane të fuqishme të Ndrangheta-s, mafia më e rrezikshme e Italisë.

Kjo rezultoi që investitorët ndërkombëtarë, përfshirë disa klientë të Banca Generali, të investonin pa dashje në bono pjesërisht të mbështetura nga veprimtaria kriminale e organizuar.

Ky investim përfshinte shërbimet e varrimit, kontratat e ambulancës dhe qendrat e refugjatëve në jug të Italisë.

Lidhja me mafien, e cila kishte arritur të mashtronte ndërmjetësit, ka vënë në dukje rritjen e sofistikimit financiar te kriminelët e organizuar.

Banca Generali ka pohuar se dispozita që rezervoi për bonot e kujdesit shëndetësor nuk ishte e lidhur me krimin e organizuar. Dhe nuk ia atribuoi fajin CFE-së për humbjet e pritshme.

Nga ana tjetër, CFE-ja ka thënë për “Financial Times” se nuk kishte asnjë përgjegjësi ligjore ose rregullatore për të kryer kujdesin e duhur mbi faturat e përfshira në bonot që i shiti bankës.

Gjithashtu ka treguar se nuk ka qenë në dijeni të ndonjë lidhjeje të ndonjë fature me aktivitetin e mafies dhe se të gjitha faturat shiten si pjesë e marrëveshjes së bonove që ishin të pastra në kohën kur u kryen transaksionet.

CFE-ja ka zbuluar edhe se sasia e faturave të provuara të lidhura me kompanitë e mafies ishte shumë e vogël, shumë më pak se një për qind e totalit.

Ajo ka shtuar se ka ndërmarrë veprime në mënyrë të menjëhershme kur u shfaqën problemet.

/Albanianpost.com


Lajmet kryesore