Lajme

Balotazhi në Kosovë do të monitorohet nga 10 mijë e 510 vëzhgues


Ilustrim

Zyra për Regjistrimin e Partive Politike në Komisionin Qendror të Zgjedhjeve (KQZ) të Kosovës ka bërë të ditur se rundin e dytë të zgjedhjeve lokale do ta monitorojnë 10 mijë e 510 vëzhgues.

Drejtor ekzekutiv i kësaj zyre, Yll Buleshkaj, ka deklaruar se 9 mijë e 287 nga vëzhguesit janë nga partitë politike.

“Përfundimi i procesit të akreditim it dhe ri-akreditimit të vëzhguesve. I kemi 10 mijë e 510 vëzhgues që do të vëzhgojnë raundin e dytë nga të cilët, 577 janë nga mediat, 30 nga mediat e huaja, 9 mijë e 287 vëzhgues nga subjektet politike”.

Drejtori i Zyrës për Regjistrimin e Partive Politike në KQZ, Yll Buleshkaj

Ai tutje ka thënë se edhe misionet diplomatike por edhe organizatat jo-qeveritare vendore e ndërkombëtare do të kenë vëzhgues.

“50 vëzhgues nga misionet diplomatike, 319 nga organizatat joqeveritare vendore, 178 nga organizatat e huaja dhe 69 nga Institucioni i Avokati i Popullit”, ka thënë Buleshkaj gjatë mbledhjes së KQZ-së një ditë para zgjedhjeve.

Vëzhguesë të zgjedhjeve-Kosovë

Për rundin e dytë të zgjedhjeve lokale të cilat do të zhvillohen të dielën e 14 nëntorit nuk ka pasur interesim të ndonjë vëzhguesi nga shtetet fqinje ka thënë Buleshkaj.

Komisioni Qendror i Zgjedhjeve në mbledhjen e mbajtur ka shqyrtuar gjashtë pika të rendit të ditës.

Ndërsa procesin e votimit përmes postës për komunat në të cilat mbahet raundi i dytë i zgjedhjeve për Kryetarë të Komunave në Kosovë ka përfunduar të premten në mesnatë.

Zëdhënësi i KQZ-së, Valmir Elezi, për Albanian Post ka thënë se kanë pranuar 1 mijë e 571 pako të supozuara me fletëvotime.

“Gjatë periudhës së votimit përmes postës (29 tetor – 12 nëntor) Komisioni Qendror i Zgjedhjeve ka pranuar 1,571 pako të supozuara me fletëvotime”, deklaroi Elezi.

/Albanianpost.com


Lajmet kryesore