Kryetari i Partisë Demokratike të Kosovës, Memli Krasniqi, së bashku me nënkryetarin e PDK-së, Uran Ismaili, kanë vizituar krerët e Ushtrisë Çlirimtare të Kosovës në Hagë.
Në Dhomat e Specializuara të Kosovës, Krasniqi e Ismaili, kanë takuar ish-presidentin e Kosovës, Hashim Thaçin dhe ish-kryetarin e Kuvendit të Kosovës, Kadri Veselin.
“Dyert e hekurta, korridoret e gjata e muret e larta, çdo ditë e më shumë po e humbasin betejën kundrejt zemrave, besimit dhe kurajos së çlirimtarëve tanë”, ka shkruar fillimisht Krasniqi në platformën sociale, Facebook.
Sipas tij, si Thaçi ashtu edhe Veseli, ishin ballëlartë si gjithmonë.
“I gjetëm me Kosovën në mendje e zemër, që vazhdon t’i frymëzojë, t’i mbajë të fortë e krenar secilin. Gjithmonë me ta dhe pranë tyre, deri në ditën e shumëpritur të triumfit të drejtësisë! Sepse, dielli do të lind përsëri!”, ka shkruar ndër të tjera Krasniqi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet
