Bajrami, Muratit: Kush ka përfituar nga 30 milionë eurot e Qeverisë Kurti – kur s’ka listë, ka keqpërdorime
Deputetja nga radhët e Lidhjes Demokratike të Kosovës, Hykmete Bajrami, ka thënë se askush nuk ka njohuri se kush ka përfituar nga masa 30 milionë euro e Qeverisë Kurti.
Bajrami përmes një shkrimi në rrjetin social ‘Facebook’, është shprehur se pa listë nuk mund të ketë investime.
Nga ministri i Financave, Hekuran Murati, Bajrami ka kërkuar që të publikohet lista.
“Kur nuk ka listë nuk është investim – është keqpërdorim. Publikoje listën ministër, nga kush po frikësohesh?! Qindra miliona të shpërndara dhe asnjë listë deri me tani. Për rezultate s’ka nevojë me komentu fare, po shihen”, ka shkruar ai.
Teksa, ka kujtuar se përmes masës 2.1, Qeveria kishte mobilizuar 100 milionë euro investime në pajisje dhe makineri, në bizneset private.
“As opozita, as qytetarët, as mediat, as shoqëria civile, por as donatorët që e patën aludua ministrin kur e pat publiku një listë të Qeverisë Hoti, sot nuk e dinë se kush ka përfituar nga masa 2.1 – 30 milionë euro e Qeverisë Kurti”.
Më 11 gusht, Ministri i Financave, Punёs dhe Transfereve Hekuran Murati në mbledhjen e 24-të të Qeverisë kishte propozuar ndarjen e 30 milionë eurove për implementimin e katër masave nga Pakoja e Ringjalljes Ekonomike.
Masat në fjalë janë masa 2.2 Mbështetja bizneseve për qasje në financa; masa 3.2 Mbështetja për pensionistët dhe familjet me asistencë sociale; masa 4.3 Mbështetja e Kulturës dhe Sportit; dhe masa 4.5 Mbështetja e mërgatës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
700 fashikuj për koncesionin e sterilizimit, Beqaj ‘ngujohet’ 7 orë në SPAK: Lexova 15, dua të pyetem sërish
-
‘Më vjen keq’, Sam Bankman-Fried kërkon falje në gjykatë përpara vendimit
-
Projektligji për shëndetin riprodhues dështon të votohet për herë të pestë
-
Lufta kundër Kosovës – mision vetëvrasës për Serbinë, thotë analisti serb
Lajmet kryesore
-
Rama: Projektligji për Dhomën Ekonomike Kombëtare i vonuar, do të regjistrohen të gjitha bizneset
-
700 fashikuj për koncesionin e sterilizimit, Beqaj ‘ngujohet’ 7 orë në SPAK: Lexova 15, dua të pyetem sërish
-
Përgjigja e Aleancës në frontin Lindor, njësi ultra-reaktive dhe 60 mijë burra të tjerë
-
PDK-ja voton kryesinë e re, Bedri Hamza emërohet nënkryetar