Një grup i vogël njerëzish u mblodhën jashtë “Rod Laver Arena” pas fitores së Novak Djokovic ndaj rusit Andrey Rublev dhe u dëgjuan duke brohoritur “Serbia, Rusia”.
Një burrë i veshur me një bluzë me simbolin “Z” pro-luftës mbajti lart flamurin e Vladimir Putin-it. Një burrë tjetër ishte fotografuar me një bluzë “Z” brenda stadiumit gjatë ndeshjes.
Në një deklaratë nga Tenis Australia thuhej se “Katër persona në turmë që po dilnin nga stadiumi zbuluan flamuj dhe simbole të papërshtatshme dhe kërcënuan rojet e sigurisë”.
Organizatorët javën e kaluar ndaluan flamujt rusë dhe bjellorusë pasi u mbajt një ndeshje midis lojtarëve rusë dhe ukrainas.
Shkronja “Z” është bërë një simbol i përuljes ultra-nacionaliste ndaj presidentit rus Putin, ndërsa ai zhvillon luftën e tij kundër Ukrainës.
Është parë e spërkatur me të bardhë në anën e tankeve ruse teksa ata kanë pushtuar vendin fqinj. Veshjet që shfaqin një shkronjë të bardhë “Z” janë në listën e artikujve të ndaluar në Australian Open.
Just took a walk around Melbourne Park after filing and a group of people were standing on the Rod Laver Arena steps, holding up a flag with Vladimir Putin’s face and chanting in support of Russia. pic.twitter.com/2p0LfkyVC3
— Tumaini Carayol (@tumcarayol) January 25, 2023
Dhe ylli ukrainas i tenisit, Alex Dolgopolov ka bërë thirrje që spektatori të “ndalohet përgjithmonë” pasi hoqi një bluzë të bardhë për të shfaqur simbolin e luftës në Melburn.
Jashtë vendit të duelit Djokovic – Rublev, u shfaqën pamjet e tifozëve duke valëvitur flamuj me fytyrën e Putin-it, pavarësisht se organizatorët e turneut ndaluan flamujt e Federatës Ruse dhe Bjellorusisë në ngjarje.
Grupi u dëgjua duke kënduar këngë në mbështetje të Rusisë. Çështja e flamujve rusë që valëviteshin në turne u shfaq fillimisht javën e kaluar, kur një tifoz vari një flamur rus gjatë një ndeshjeje midis Kateryna Baindl të Ukrainës dhe ruses Kamilla Rakhimova.
Tenis Australia iu përgjigj incidentit duke ndaluar menjëherë shfaqjen e flamujve të Rusisë dhe Bjellorusisë, duke vendosur tashmë që lojtarët nga ato vende duhet të konkurrojnë si lojtarë neutralë “pa flamuj”.
Në përgjigje, Ambasada e Rusisë akuzoi organizatorët e Tenis Australia, për politizimin e ngjarjes. Ambasada shprehu shpresën që Tenis Australia në vend të kësaj do të synonte “të sigurojë mjedisin më të mirë të mundshëm për kënaqësinë e tenisit”.
Përballja Djokovic – Rublev
Djokovic dominoi Rublev duke fituar 6-1, 6-2, 6-4 dhe për të kaluar në fazën gjysmëfinale të Grand Slam-it të parë të vitit, ndërsa ai është në ndjekje të kurorës së 10-të të Australian Open.
35-vjeçari prodhoi një performancë të dominimit të plotë teksa tashmë arrin një përballje gjysmëfinale me Tommy Paul. Në anën tjetër të shortit, Karen Khachanov përballet me Stefanos Tsitsipas.
21-herë kampioni i Grand Slam-it ishte në formë perfekte ndaj rusit në dy orë e tre minuta për të shënuar fitoren e 26-të radhazi në turne.
Numri 35 i botës, Paul, i cili mundi Ben Shelton në katër sete më herët të mërkurën, do të përballet me Djokovic për një vend në finale kundër Tsitsipas ose Khachanov.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
