Lajme

Australi, mijëra të evakuar, ndërsa përmbytjet përkeqësohen


Rreth 18 mijë  njerëz janë evakuar nga përmbytjet e mëdha në New South Wales (NSW), në Australi.  Sipas parashikimeve të motit reshjet e shiut do të përshkallëzohen.

Në të gjithë pjesën e bregdetit është paralajmëruar ashpërsimi i motit. Reshjet e shumta kanë shkaktuar vërshimin e lumenjve rreth Sydney-t, kryeqytetit dhe në juglindje të Queensland-it.

Kryeministri i Australisë, Scott Morrison,  tha se do t`i ofrohen fonde të gjithë personave që janë të detyruar të evakuohen.

Kjo ngjarje është konsideruar “një ngjarje që ndodh një herë në 50 vjet”.  Zyra Australiane e Meteorologjisë paralajmëroi sërish për ashpërsimin e motit, duke njoftuar se 23 marsi mund të shohë “ shtimin e reshjeve, erëra të forta dhe batica atipike të larta” në New South Wales.

Rreth 10 milionë njerëz në çdo shtet të Australisë janë nën paralajmërimin e përkeqësimit të motit. Përjashtim përbën vetëm Australia perëndimore.

Kryeministri i NSW-së, Gladys Berejiklian, deklaroi se nuk ishte raportuar asnjë vdekje deri të hënën e 22 marsit. Duke marrë parasysh fatkeqësinë natyrore ai e cilësoi  këtë fakt “një mrekulli”.

Në zonat e prekura ka pasur dëmtime të shumta. Rreth një e treta e shtëpive të shtetasve australianë janë dëmtuar.

Më shumë se 15 zona në NSW-së janë evakuuar dhe një pjesë e mirë e banorëve  janë në pritje të paralajmërimeve për tu evakuuar.

Zonat në veri të Sydney-t, bregu qendror i NSW-së dhe lugina e Hawkesbury janë zonat shqetësuese.

Sipas zyrtarëve, në bregun verior janë evakuuar rreth 15 mijë njerëz, ndërsa në Sydney janë evakuuar 3 mijë persona.

Lumenjtë e fryrë përmbytën disa rrugë dhe ura. Për rrjedhojë, 150 shkolla u mbyllën më 22 mars.

Gjendja e katastrofës i lejon të evakuuarit që preken të marrin ndihmë financiare, duke përfshirë rikuperimin e dëmeve në shtëpi, subvencione për bagëtinë e prekur ose bujqësi dhe hua me interes të ulët ose zero.

Shirat e dendur pritet të vazhdojnë në javën e ardhshme duke sjellë reshje të konsiderueshme shiu në shpatet veriore të brendshme dhe veriperëndimore.

Operacioni i pastrimit do tё zgjasë pёr javë të tjera. Ekipet në tokë po presin që operacionet të vazhdojnë “edhe pas Pashkëve”. Nivelet e lumenjve do të marrin kohë për t’u tërhequr.

/Albanianpost.com


Lajmet kryesore