Disa superyje në botën e sportit vendosën të tërhiqen në vitin 2022, duke përfshirë atletët legjendar si Serena Williams dhe Albert Pujols, të cilët të dy hapën rrugën për një brez të ri.
Serena Williams
Williams, 41 vjeçe, publikoi një editorial për revistën “Vogue” në gusht për të njoftuar tërheqjen e saj. 23 herë kampionia e Grand Slam pati një lamtumire ceremoniale në US Open 2022, me mijëra fansa që e brohoritën në Flushing Meadows, Nju Jork.
Pas dy fitoreve mbresëlënëse, pjesëmarrja e Williams në turne përfundoi në raundin e tretë kundër Ajla Tomljanovit, duke shënuar fundin e një karriere të pabesueshme.
Roger Federer
Më pak se dy javë pasi Williams u largua nga fusha e stadiumit Arthur Ashe, një lojtar i madh i të gjitha kohërave në tenisin e meshkujve njoftoi tërheqjen e tij.
Roger Federer postoi një mesazh lamtumire më 15 shtator, duke thënë se tenisi e ka trajtuar atë më bujarisht sesa ai “mund të kishte ëndërruar ndonjëherë”.
“Tani duhet të kuptoj se kur është koha për të përfunduar karrierën time konkurruese”, tha Federer.
Federer, 41 vjeç, 20 herë kampion i Grand Slam, konkurroi në Laver Cup si eventin e tij të fundit, duke i dhënë fund një karriere tenisi që filloi në 1998.
Franck Ribery
Ish-reprezentuesi francez, Franck Ribery, u tërhoq nga sporti në tetor, me klubin italian Salernitana që ishte i fundit në CV-në e tij.
Ribery, 39 vjeç dhe Arjen Robben ishin një dyshe “vdekjeprurëse” kur ishin te Bayern Munich. Ata ishin ndoshta anësorët më dominues për 10 vjet, duke fituar Champions League në 2013.
Francezi realizoi gjithsej 151 gola dhe 224 asistime në 46 mijë e 087 minuta lojë gjatë kohës së tij në Mynih.
Gerard Pique
Gerard Pique duhej të luante ndeshjen e tij të fundit këtë sezon kundër Osasuna-s, por mori një karton të kuq në pjesën e parë para se të dilte në fushë.
Pique, 35 vjeç, njoftoi tërheqjen e tij menjëherë pasi thuhet se u kap duke tradhtuar Shakirën.
Dalja e tij në pension ishte padyshim e dhimbshme për tifozët katalanas, por ai gjithashtu ishte në lot gjatë fjalimit të tij të lamtumirës.
Pique shënoi 58 gola në 667 ndeshje për Barcelona, Manchester United dhe Real Zaragoza.
Carlos Tevez
Carlos Tevez është padyshim lojtari më i rëndësishëm që ka luajtur për Manchester United dhe Manchester City.
Tevez, 38 vjeç, ishte transferim i lirë pasi u largua nga klubi i tij mëmë Boca Juniors në 2021. Ai njoftoi tërheqjen në qershor 2022.
Tevez ka shënuar 255 gola në 642 paraqitje.
Sebastian Vettel
Sebastian Vettel fitoi katër tituj radhazi të botës në Formula 1 me Red Bull midis 2010 dhe 2013.
Vettel, 35 vjeç, njoftoi se do të tërhiqej në fund të sezonit 2022 me Aston Martin.
Piloti gjerman bëri debutimin e tij në F1 në 2007 dhe u bë fituesi më i ri i titullit botëror tre vjet më vonë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
