Skuadra e Atalanta-s e ka gati nënshkrimin e parë për merkaton e dimrit. Dhurata për trajnerin, Gian Piero Gasperini-n, do të jetë futbollisti i Sassuolo-s, Jeremie Boga.
Sipas raportimeve që vijnë nga mediat italiane, ish-lojtari i Chelsea-t do të lërë “Mapei”-n në janar dhe do të transferohet në Bergamo.
Anësori 24-vjeçar është një nga lojtarët më të spikatur te Sassuolo-s në Serie A. Ai pritet t’i kushtojë rreth 22 milionë euro arkave të klubit bergamask. Boga do të nënshkruajë kontratë pesëvjeçare me Atalanta-n.
Ai u bë pjesë e Sassuolo-s në vitin 2018 për shifrën e 10 milionë eurove. Që nga ajo kohë, Boga numëron 103 paraqitje me italianët. 18 gola dhe 10 asiste mbajnë emrin e tij.
Lojtari i lindur në Marsejë, përfaqeson Kombëtaren e Bregut të Fildishtë dhe do të jetë pjesë e Kupës së Kombeve në Afrikë. Në fillim të 2022 do të jetë gati për Atalanta-n, pas turneut afrikan.
Në krahun tjetër, afrimi i Boga-s do të sjellë largime në “Gewiss Stadium”. Aleksey Miranchuk-u ose Luis Muriel-i janë dy emrat më të lakuar për të lënë Atalanta-n.
Futbollisti rus, Miranchuk, kërkohet nga Andriy Shevchenko te Genoa, sipas raportimeve të “Tuttosport”-it. Për Muriel-in ka interes nga Milan-i.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
“Afera e ambalazhuesve”, Selmanaj: Prokuroria urgjentisht të fillojë çmontimin e kësaj skeme korruptive dhe kriminale
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
O’Brien i kërkoi “përparim urgjent” për Asociacionin, Kurti s’e përmend askund