Raportet në Mbretërinë e Bashkuar thonë se Arsenal-i po rrit planet e tyre për të nënshkruar me Benjamin Sesko-n nga RB Leipzig, i cili preferohet edhe nga Milan-i, por prioriteti i kuqezinjve mbetet Joshua Zirkzee.
Arsenal-i është shfaqur si pretendent i fortë për sulmuesin 20-vjeçar Sesko, një nga sulmuesit e rinj më të kërkuar në Evropë.
Eksperti gjerman i transferimeve, Christian Falk raportoi në shkurt se Milan-i kishte ofruar 40 milionë euro për të nënshkruar sulmuesin premtues i cili ka një klauzolë prej 50 milionë euro.
Megjithatë, raportet më të fundit në Mbretërinë e Bashkuar, pretendojnë se Arsenal-i po kalon shpejt në rreshtin e parë për të nënshkruar me 20-vjeçarin.
Sipas “The Standard”, Arsenal-i po rrit planet e tyre për një sulmues të ri dhe Sesko është ndër emrat kryesorë në agjendën e tyre.
Manchester United dhe Chelsea thuhet gjithashtu se janë të interesuar dhe përfaqësuesit e sulmuesit kanë qenë mysafirë në “Old Trafford” dhe “Stamford Bridge” këtë sezon.
Milan-i sapo është eliminuar nga çerekfinalet e Europa League nga rivalët e Serie A, Roma dhe mbetet i interesuar për nënshkrimin e një qendërsulmuesi të ri në 2024-25 me Olivier Giroud që pritet t’i bashkohet LAFC si një transferim i lirë në qershor.
Sesko është një nga objektivat e kuqezinjve për sezonin e ardhshëm, por prioriteti i tyre mbetet ylli i Bologna-s Zirkzee, shënuesi i 11 golave në 33 paraqitje në të gjitha garat këtë sezon.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
