Arsenal ofron Gabriel Jesus-in për sulmuesin që po shkëlqen në Serie A

Arsenal-i thuhet se është i interesuar për nënshkrimin e Marcus Thuram nga Inter-i dhe mund të ofrojë Gabriel Jesus në shkëmbim.

Ish-sulmuesi i Manchester City-t, Jesus bëri një përshtypje të menjëhershme për Arsenal-in në sezonin e tij debutues, por dëmtimet tani e kanë penguar atë të arrijë potencialin e tij të plotë.

Braziliani humbi vendin e tij të titullarit ndaj Kai Havertz gjatë sezonit 2023-24, dhe një problem në ijë e ka penguar gjithashtu në javët e para të 2024-25, duke e detyruar atë të humbasë përplasjet me Brighton dhe Aston Villa.

Jesus bëri rikthimin e tij nga stoli në fitoren e së dielës në derbin e Londrës së Veriut ndaj Tottenham, ndërsa ai ka kontribuar 19 gola dhe 15 asistime në 70 ndeshje për Arsenal-in kur ishte plotësisht në formë.

27-vjeçari ka ende tre sezone të tjera në kontratën e tij, por ndërsa Arsenal-i e ka bërë zakon të lidh lojtarët e tyre kryesorë me rinovime afatgjata, ende nuk është folur për një kontratë të re për Jesus.

Për më tepër, “Topçinjtë” mund të synojnë një qendërsulmues të ri në vitin 2025 pasi vendosën kundër një lëvizjeje të tillë këtë verë, dhe sipas “Inter Live”, lojtari zikaltërve Thuram është në radarin e tyre.

Reprezentuesi francez, i cili është në të njëjtën moshë me Jezus-in, u transferua në “Meazza” nga Borussia Monchengladbach si një transferim i lirë në 2023 dhe menjëherë formoi një dyshe “vdekjeprurëse” me Lautaro Martinez-in.

Thuram shënoi 15 gola dhe siguroi 14 asistime në të gjitha garat sezonin e kaluar, dhe ai ka arritur në këtë sezon me katër gola dhe dy asistime nga vetëm katër paraqitje në Serie A.

27-vjeçari është ende nën kontratë në “Meazza” deri në verën e vitit 2028, megjithatë, që do të thotë se Inter-i me sa duket do të kërkonte gjithashtu një shumë të konsiderueshme parash përveç Jesus-it nëse do ta lejonin të bashkohej me “Topçinjtë”.

Nga ana, Mikel Arteta dhe klubi me sa duket e duan largimin Jesus-it, i cili nuk konsiderohet më i domosdoshëm nga stafi stërvitor i “Topçinjve” për shkak të një sërë dëmtimesh. Sikur Havertz të mos kishte lulëzuar në gjysmën e dytë të sezonit 2023-24 Arsenal-i pothuajse me siguri do të kishte ndjekur një numër të ri nëntë në verë, por Arteta vendosi që një portier i ri, qendërmbrojtësi dhe mesfushori qendror të ishin më lart në listën e prioriteteve.

Ata nuk kishin asnjë shqetësim për të lënë Eddie Nketiah të nisej për te Crystal Palace në ditën e fundit, megjithatë, dhe nëse Jesus-i nuk shpërthen këtë sezon, mund të jetë koha për të lëvizur.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.