Përndjekësi i supozuar i këngëtares, Taylor Swift është arrestuar për herë të tretë që nga e shtuna e 20 janarit.
Burri nga Seattle, i quajtur David Crowe, u vu sërish në pranga të mërkurën e 24 janarit, pasi u pa duke u fut në kontejnerë përtej rrugës nga rezidenca e yllit të hitit “Anti-Hero”, prej 50 milionë dollarësh në Tribeca, thanë burimet e policisë për The New York Post.
“Sapo e pashë duke gërmuar nëpër këtë kontinjer, duke nxjerrë disa batanije dhe më pas ai thjesht shkoi dhe disa dyer më poshtë nga apartamenti i Swift-it”, kujton një dëshmitar okular.
Crowe, thuhet se u kthye në shtëpinë e Swift-it menjëherë pasi një gjykatës i Manhattan-it e la atë të lirohej me mbikëqyrje në gjykimin e tij, gjatë së cilës ai u akuzua për përndjekje dhe ngacmim.
Burri i raportuar “i shqetësuar emocionalisht” – i cili është shfaqur në apartamentin e fitueses së “Grammy-t”, 30 herë në dy muajt e fundit – nuk zbuloi pse ai ishte kaq i fiksuar pas shtëpisë së saj.
Ai u arrestua për herë të fundit në polici pasi një fqinj thirri forcat e rendit për të raportuar një “person të çrregullt” në rrugën Franklin.
“Pas mbërritjes, policia u informua se individi u përpoq të hapte një derë të një ndërtese në atë vend”, tha një oficer i informacionit publik pas arrestimit.
Në atë kohë, oficeri nuk konfirmoi se Crowe po përpiqej të hynte në banesën e Swift-it, por një burim i veçantë zbuloi se ai po përpiqej ta bënte këtë.
“Për herë të parë e pashë rreth orës 13:00. – ai u ngjit në derën e Taylor-it”, pohoi një fqinj.
“Nuk jam i sigurt nëse ai trokiti apo i ra ziles”, shtoi ai.
Individi shtoi se ata e kishin parë Crowe duke e vrojtuar ndërtesën “për disa javë”.
Për më tepër, një dëshmitar i dytë okular pohoi se ai kishte qenë në zonë për një muaj “duke fjetur në këmbë, duke pirë duhan vazhdimisht, duke bërtitur dhe në përgjithësi duke sjellë atmosferë të pakëndshme”.
Burimi i parë tha se policia u thirr për javë të tëra, por nuk u përgjigj derisa Crowe u përpoq të depërtonte në ndërtesë. Ata pretenduan se ai “nuk i rezistoi” arrestimit të tij.
Fillimisht ai u ndalua të shtunën mbrëma dhe u lirua pa asnjë akuzë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
