![](https://albanianpost.com/wp-content/uploads/2024/04/1.png)
Një serb me inicialet S.S është arrestuar të shtunën në pikën kufitare të Bërnjakut, i cili dyshohet për “prishje të rendit kushtetues të Kosovës”.
Lajmin për Albanian Post e ka konfirmuar zëvendësdrejtori i Policisë së Kosovës për rajonin e Veriut, Veton Elshani.
Personi në fjalë është arrestuar në mesditë, rrugës për në Serbi, dhe momentalisht është duke u marrë në pyetje.
Elshani nuk ka dhënë detaje shtesë për rastin.
Siç raporton media me seli në Veri “KoSSev”, bëhet fjalë për një serb i cili u plagos me armë në vjeshtën e vitit 2021 gjatë aksionit të njësive speciale të Kosovës në Veri të vendit.
Lidhur me këtë arrestim ka reaguar edhe Lista Serbe – partia më e madhe e serbëve të Kosovës, njëherit të dirigjuarit e Beogradit zyrtar.
Ashtu edhe siç pritej, ata kanë akuzuar autoritetet kosovare gjoja për “terror ndaj serbëve”.
“Arrestimi i sotëm i bashkëqytetarit tonë S.S nga policët e Kurtit derisa ai së bashku me bashkëshorten e tij nisën udhëtimin për në Serbinë qendrore në vendkalimin Bërnjak, është vazhdimësi e terrorit të regjimit në Prishtinë ndaj popullit tonë, por edhe ndaj S.S”, kanë thënë ata.
“Akuza për sulmin e rendit kushtetues është, kujtojmë, pjesë e planit të Albin Kurtit për të dëbuar të gjithë serbët e parë nga veriu i Kosovës”, kanë pretenduar nga kjo parti që dirigjohet nga presidenti serb Aleksandër Vuçiç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zana Spahiu ofron dorëheqje nga pozita e u.d drejtoreshës së RTK-së
-
KFOR-i angazhohet në shuarjen e zjarreve në Kosovë e Shqipëri
-
Bajrami kërkon hetime për “gjithçka” që ka ndodhur në RTK
-
Gjermania porosi Kosovës dhe Serbisë: Stop politikës ‘ma bëre, ta bëra’ që vendosë pengesa të reja në rrugën drejt normalizimit