Ministria e Jashtme turke njoftoi të premten se qeveritë e Turqisë dhe Armenisë kanë rënë dakord të lejojnë qytetarët e vendeve të tjera – por jo ende të tyre – të kalojnë kufirin midis dy vendeve.
Lajmi u bë i ditur nga transmetuesi gjerman Deutsche Welle.
Kufiri i tyre i përbashkët është mbyllur që nga viti 1993, kur Armenia dhe Azerbajxhani u përplasën pas rënies së Bashkimit Sovjetik.
Jerevani dhe Ankaraja zyrtare thanë se plani për të lejuar shtetasit e vendeve të treta të kalojnë kufirin “sa më shpejt të jetë e mundur” u pa si hapi tjetër drejt “normalizimit të plotë” eventual midis dy fqinjëve.
Ministria e Jashtme turke shtoi gjithashtu se të dyja vendet do të lejojnë sa më shpejt të jetë e mundur tregtinë e drejtpërdrejtë të mallrave ajrore ndërmjet tyre.
Masa vjen pas rifillimit të marrëdhënieve diplomatike midis Ankarasë dhe Jerevanit dhjetorin e kaluar, e ndjekur nga bisedimet midis përfaqësuesve të posaçëm të të dy vendeve në janar që synojnë rivendosjen e plotë të lidhjeve.
Ministrat e tyre të jashtëm u takuan në mars për herë të parë pas shumë vitesh. Raundi i katërt i negociatave u zhvillua të premten në Vjenë.
Turqia dhe Armenia ndajnë një histori të vështirë, kryesisht për shkak të gjenocidit të vitit 1915 të pakicës dikur të madhe armene të Turqisë.
Armenia gjithashtu historikisht ra më shumë në sferën e ndikimit të Rusisë në Kaukaz dhe Azerbajxhani mbajti lidhje më të ngushta me Turqinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lajçaku dëgjon “perspektivën” e Dodikut për situatën në Bosnje-Hercegovinë
-
Irani kishte mbyllur objektet e tij bërthamore përpara sulmit
-
“Lufta hibride” nënujore kërcënon sigurinë e 1 miliard njerëzve, paralajmëron komandanti i NATO-s
-
Scholz ‘sulmoi’ shefin e politikës së jashtme të BE-së për qëndrimin ndaj Gazës
