Arizonë/ Një i vdekur dhe dy të plagosur nga pickimi i bletëve

Autoritet amerikane, të shtunën e 31 korrikut, njoftuan se një person ka vdekur dhe dy të tjerë kërkuan trajtim spitalor si pasojë e pickimit “të shumtë” nga bletët, në Tucson, Arizona.

Në një deklaratë të postuar në mediat sociale, të enjten, shkruhej se nga zona e ‘zjarrit’ në Northwest ishte kërkuar shërbimi i zjarrfikëses në një incident, ku “të paktën gjashtë individë u pickuan qindra herë nga bletët”.

“Tre pacientë u transportuan nga ku morën shërbimin mjekësor”, thuhej në deklaratë.

Shërbimi i zjarrfikësve shtoi se nuk është identifikuar akoma shtetasi që humbi jetën.

Grumbujt e bletëve janë një dukuri relativisht e zakonshme dhe ndonjëherë e rrezikshme në Arizona.

Në vitin 2015, një burrë i mbijetoi 500 deri në 1 mijë pickime pasi ‘shqetësoi’ një zgjua. Muaj më vonë, gjashtë persona u plagosën në një tufë tjetër.

Sipas Qendrës Kërkimore të Bletëve “Carl Hayden” në Tucson, shumica e tufave të Arizonës përfshijnë një kryq midis bletëve afrikane dhe evropiane por të njohura gjerësisht si bletë vrasëse.

Pas incidentit fatal pranë Tucson, departamenti i policisë Marana tha se, “mbajtësit e bletëve kanë shuar shumicën e tyre dhe kanë hequr kosheren. Edhe pse zona është shumë më e sigurt, ka ende disa bletë të tjera”.

Ndërkohë autoritet bënë thirrje që banorët të shmangin lëvizjen përgjatë asaj zone.

Shoqata e Bletarëve të Arizonës Jugore këshillon se, “mundësia e një personi për të goditur kolonitë e bletëve të egra në shkretëtirën jugperëndimore është më e lartë se pjesët e tjera të vendit. Sidoqoftë, shanset për të vdekur nga pickimet e bletëve janë disa herë më pak sesa të goditesh nga rrufeja”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.