Ardita Sinani emërohet këshilltare politike për Preshevë, Medvegjë dhe Bujanoc në Zyrën e Kryeministrit

Kryeministri i Kosovës, Albin Kurti, ka emëruar Ardita Sinanin, këshilltare politike për për Preshevë, Medvegjë dhe Bujanoc.

Siç thuhet në njoftimin e qeverisë, ky akt përbën hapin e parë drejt themelimit të Zyrës për Preshevë, Medvegjë dhe Bujanoc, në kuadër të Zyrës së Kryeministrit, të cilën do ta koordinoj Sinani.

“Kjo zyrë do të jetë në funksion të përmirësimit të gjendjes së shqiptarëve në këto komuna, ruajtjen e marrëdhënieve të mira dhe shtimin e bashkëpunimit institucional për mbrojtjen dhe avancimin e të drejtave të tyre, si nevojë dhe domosdoshmëri e kohës”, thuhet mestjerash nw njoftim.

Por, Shqiprim Arifi, kryetar i Komunës së Preshevës, nuk është i sigurt se çfarë saktësisht ka ndodhur që 2 milionë eurot që ia premtoi Qeveria e Kosovës Luginës, ende nuk janë bartur në llogaritë e tyre bankare, por nëse pyetet ai, një dyshim e ka.

“Në qoftë se dikush po i stopon mjetet atëherë duhet ta dini që është ky aksi Liburn Aliu (ministër i Kosovës) dhe Ardita Sinani (rivale politike e Arifit)”, ka thënë Arifi.

Bëhet fjalë për 2 milionë eurot që Qeveria e Kosovës i kishte ndarë nga buxheti si ndihmë për Luginën e Preshevës.

Mjetet ishin rezervuar që të ndahen në vitin 2022. Por, ka kaluar më shumë se gjysma e vitit dhe paratë s’duken gjëkundi.

Ndryshe, me 20 vota për dhe asnjë kundër, Kuvendi Komunal i Preshevës në prill të këtij viti ka shkarkuar kryetaren Ardita Sinani nga posti i saj.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.