Interesi për nënshkrimin e yllit të Real Madrid-it, Arda Guler, ka filluar të rritet me afrimin e verës. Kjo është sipas “Estadio Deportivo”, të cilët sot kanë dhënë një pasqyrë të re për të ardhmen turkut.
Guler prej disa kohësh e ka parë emrin e tij të dominojë titujt kryesorë të mediave spanjolle. Kjo vjen mes zhgënjimit në rritje si nga vetë lojtari, ashtu edhe nga baza e tifozëve të Real-it, me mungesën e kohës së lojës në “Bernabeu”.
Muajt e parë të fushatës e panë Guler-in të padisponueshëm për trajnerin Carlo Ancelotti, për shkak të një sërë dëmtimesh.
Edhe pse tani është kthyer në formë për më shumë se një muaj, megjithatë, atij i është dhënë një total prej rreth 100 minutash veprimi.
Nga ana tjetër, thashethemet kanë filluar prej kohësh të shtohen, se Guler mund të përgatitet për një largim të përkohshëm nga Madridi.
Megjithëse besimi mbetet i fortë mes të gjithëve të lidhur me Real-in se mesfushori i tyre i ri do të vazhdojë përfundimisht të vendoset si një lojtar kyç për klubin, po bëhet gjithnjë e më e dukshme që Ancelotti ende nuk i beson Guler-it.
Prandaj, adoleshenti mund të përfitojë shumë nga një huazim një-vjeçar, përmes së cilit ai mund të zhvillohet më tej si nga pikëpamja taktike ashtu edhe nga ajo fizike.
Sipas “ED” të lartpërmendur, treshja e La Liga-s Real Sociedad, Las Palmas dhe RCD Mallorca do të ishin të etur për të sjellë turkun për sezonin e ardhshëm.
Dhe, në garë me klube të tilla për Guler-in është edhe Milan-i.
Kuqezinjtë, thuhet, “duan të përsërisin formulën që u dha atyre rezultate kaq të mira me Brahim Diaz”, tani i kthyer në Madrid pas një periudhe trevjeçare në “San Siro”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
