Apple Inc. ka refuzuar pretendimet e bëra nga Shërbimi Federal i Sigurisë i Rusisë (FSB) se kompania ka bashkëpunuar me spiunët amerikanë për të vëzhguar përdoruesit rusë.
Në një deklaratë zyrtare, kompania ka theksuar se nuk ka punuar kurrë me asnjë qeveri për të për tu futur në ‘dyert e pasme ’ në produktet e saj dhe nuk ka ndërmend ta bëjë këtë në të ardhmen.
FSB njoftoi se kishte zbuluar një operacion spiunazhi amerikan që kishte komprometuar mijëra pajisje përmes përdorimit të softuerit të sofistikuar të vëzhgimit. Megjithatë, nuk u ofruan provat konkrete që tregojnë se Apple kishte bashkëpunuar ose ishte e përfshirë në këtë.
Kaspersky Lab, një kompani e sigurisë me bazë në Moskë, gjithashtu pretendoi se shumë pajisje të punonjësve të saj ishin komprometuar. FSB shtoi se komploti tregoi një “bashkëpunim të ngushtë” midis Apple dhe Agjencisë së Sigurisë Kombëtare amerikane.
Në mungesë të provave të qarta dhe konkrete, Apple e mohon çdo lidhje ose dijeni për fushatën e spiunazhit dhe vazhdon të mbrojë integritetin e sigurisë së produkteve të saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
