Apartamenti i Adriatik Llallës në qendër për të rinjtë, Gonzato: Korrupsioni dhe krimi i organizuar grabisin burimet

“Korrupsioni dhe krimi i organizuar grabisin burimet që i përkasin komunitetit”.

Kështu shkruan ambasadori i Bashkimit Evropian në Tiranë, Silvi Gonzato në një postim në platformën X, sa i takon apartamentit të sekuestruar të Adriatik Llallës i cili është kthyer në qendër për të rinjtë.

“Në Durrës isha dëshmitar se si pasuritë e fituara përmes korrupsionit dhe krimit mund t’i kthehen komuniteteve lokale. Sot përuruam “Qendrën e Artit dhe Aktivizmit” në një apartament që më parë i përkiste një ish-prokurori të korruptuar”, shkruan zyrtari evropian.

Më tej ai shton se kjo është një “sipërmarrje sociale e mundësuar nga projekti Twist financuar nga BE-ja”.

Korrupsioni dhe krimi i organizuar grabisin burimet që i përkasin komunitetit. Në Durrës isha dëshmitar se si pasuritë e fituara përmes korrupsionit dhe krimit mund t'i kthehen komuniteteve lokale. Sot përuruam "Qendrën e Artit dhe Aktivizmit" në një apartament … 1/3 https://t.co/Y4xxM5b1lJ

— EU in Albania (@EUinAlbania) February 22, 2024

“Qendra pret krijues të rinj që të mësojnë teknika të reja dhe të prodhojnë art. Qendra është rezultat  partneritetit mes BE-së, qeverisë shqiptare, bashkisë së Durrësit dhe shoqërisë civile dhe siç i thashë dhe Ministrit Taulant Balla, ne duhet ta përshkallëzojmë këtë lloj projekti. Krijimi i një Zyre për Rekuperimin e Pasurive mund të jetë një kontribut i mirë”.

Nga ana tjetër, ministri i Brendshëm Taulant Balla tha se asnjë pronë e krijuar me burim kriminal nuk do të dalë më në shitje, për të shmangur rënien e tyre në dorë të personave që u janë konfiskuar.

Ai shtoi se sekuestrimi i këtyre aseteve të pajustifikuara, është dëshmi e funksionimit të drejtësisë së re.

Balla thotë se asnjë pronë e krijuar me burim kriminal nuk do të dalë më në shitje

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.