Lajme

Anulohet takimi mes katër ministrave të mbrojtjes nga rajoni në Kosovë


Ministria e Mbrojtjes.

Takimi mes katër ministrave të rajonit i cili ishte paraparë të mbahet të premten e 10 shkurtit me ftesë të ministrit të Mbrojtjes, Armend Mehaj, është anuluar.

Ministria ka sqaruar se ky takim është anuluar, për shkak të situatës së krijuar pas tërmetit që goditi Turqinë.

“Të nderuara medie, ju njoftojmë se për shkak të situatës së krijuar pas tërmetit në Turqi dhe angazhimit për mbështetje të operacionit humanitar, konferenca e përbashkët e planifikuar me ministrat e mbrojtes të shteteve të rajonit është shtyer për një datë tjetër”, thuhet në njoftim.

Nga ky dikaster është thënë se takimi do të shtyhet për një datë tjetër.

“Për datën e mbajtjes së konferencës do të ju njoftojmë me kohë.Ju faleminderit për mirëkuptim”.

Në këtë takim të pranishëm përveç ministrit Armend Mehaj, ishte parparë të jenë edhe ministri i Mbrojtjes së Shqipërisë, Niko Peleshi, ministrja e Maqedonisë së Veriut, Sllavjanka Petrovska dhe ushtruesi i detyrës së ministrit të Mbrojtjes së Malit të Zi, Filip Adziq.

“Nën organizimin e Ministrit të Mbrojtjes, Armend Mehaj, nesër më 10 shkurt, do të mbahet takimi i ministrave të Mbrojtjes së Shqipërisë, Maqedonisë së Veriut dhe Malit të Zi”, thuhej në komunikatë.

Për këtë takim ishte paralajmëruar se do të lexohet edhe një deklaratë e përbashkët e katër ministrave të mbrojtjes.

Më 14 prill të 2022, Mehaj ishte takuar me homologen e tij nga Maqedonia e Veriut, Sllavjanka Petrovska ku kishin nënshkruar memorandum mirëkuptimi me bashkëpunimin në fushat e mbrojtjes dhe sigurisë.

Përmes këtij memorandumi synohej që të bashkërendohet dhe sinkrizohet korniza ligjore, masat, veprimet dhe aktivitetet që sigurojnë zbatimin sa më të suksesshëm të të gjitha marrëveshjeve.

Edhe ministrja Petrovska, kishte shprehur gatishmërinë për thellimin e bashkëpunimit bilateral në mes të dy vendeve.

Kështu, duke ofruar përvojën e procesit të integrimit në strukturat euroatlantike, në të cilat ka kaluar Maqedonia e Veriut, si dhe mbështetja në proceset përkatëse nga niveli i vendit anëtar të NATO-s dhe vizionit për paqe, siguri dhe stabilitet të qëndrueshëm në rajonin tonë dhe më gjerë.

Tre ministra të mbrojtjes nga rajoni të premten në Kosovë

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore