Portieri kamerunas, Andre Onana, po synon të luajë në Serie A me skuadrën e Inter-it. Samir Handanovic është portieri i vetëm i disponueshëm në skuadër që ofron garanci të plotë.
25-vjeçari është pjesë e Ajax-it që nga viti 2015, kohë kur u transferua nga akademia e Barcelona-s. Por, tashmë, ai ka marrë vendimin për t’u larguar nga holandezët.
Sipas italianes “Calciomercato”, ideja e Simone Inzaghit dhe bordit të Inter-it është që të paraqesin në ditët në vijim një ofertë tek Ajax-i për ta lënë të lirë para kohe Onana-n.
Kamerunasi ka edhe një vit kontratë dhe vlera e tij në tregun e transferimeve është rreth 30 milionë euro, por Ajax-i mund të bindet me shumë më pak para për ta lënë të lirë, për të mos e humbur me parametra zero sezonin e ardhshëm.
Onana ka qenë ndër lojtarët më të mirë në Eredivisie vitet e fundit dhe tek Inter-i po projektohet si pasuesi i Handanovic-it.
37-vjeçari slloven po shkon drejt përfundimit të karrierës së tij dhe Inter-it i duhet një zëvendësues i denjtë, për të mbuluar rolin që slloveni nuk e lëshon që nga viti 2012, ndaj Onana shihet si lojtari ideal.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës