Ancelotti tha se ndeshja duhej të ndërpritej pas racizmit ndaj Vinicius, drejtori i Valencia-s pret kërkim falje nga ana e tij
Sulmuesi i Real Madrid-it, Vinicius Junior, ishte viktimë e thirrjeve raciste në ndeshjen e mbrëmshme që skuadra e tij u mposht me rezultat 1:0 në udhëtim te Valencia.
Duke folur pas ndeshjes, Trajneri i Real-it, Carlo Ancelotti tha se abuzimi i drejtuar ndaj lojtarit të tij ishte i papranueshëm dhe i tha gjyqtarit se loja duhej të ishte ndërprerë.
“Ajo që pamë sot është e papranueshme. Një stadium i tërë duke brohoritur sharje raciste,” tha shefi i Real Madridit.
“Nuk dua të flas për futbollin sot, nuk ka kuptim të flas për futbollin sot, i thashë arbitrit se duhej ta kishte ndërprerë ndeshjen”.
“La Liga ka një problem. Për mua Vinicius është lojtari më i rëndësishëm në botë. La Liga ka një problem, këto episode racizmi duhet të ndalojnë ndeshjen.”
Hoy ha sido un día triste en Mestalla, donde un grupo de aficionados ha mostrado su peor versión. Es hora de dejar de hablar y actuar con contundencia. El racismo no puede tener cabida ni en el fútbol ni en la sociedad. NO AL RACISMO EN NINGÚN SITIO. pic.twitter.com/4eZO8uSYQA
— Carlo Ancelotti (@MrAncelotti) May 21, 2023
“Është i gjithë stadiumi që fyen një lojtar me thirrje raciste dhe ndeshja duhet të ndalet. Të njëjtën gjë do të thosha nëse do të fitonim 3:0, nuk ka rrugë tjetër”.
Ancelotti më vonë shtoi në Tëitter: “Sot ka qenë një ditë e trishtuar në ‘Mestalla’, ku një grup tifozësh kanë treguar versionin e tyre më të keq”.
“Është koha për të ndaluar së foluri dhe për të vepruar me forcë. Racizmi nuk mund të ketë vend në futboll apo në shoqëri. JO RACIZMIT”, ka shkruar tekniku italian.
Ndërkohë, i shpejtë ka qenë edhe reagimi nga anët e klubi të Valencia-s. Drejtori sportiv i tyre, Javier Solis, ka thënë se Ancelotti nuk “ishte i saktë” me deklaratat e tij dhe pret kërkim falje nga ana e italianit.
“Në momentin e deklaratave fatkeqe dhe krejtësisht të pasakta të z. Ancelotti, në të cilat ai i cilësoi të gjithë tifozët në ‘Mestalla’ si racist, klubi nuk mund të tolerojë këtë”.
Statement by the Corporate Director and Spokesperson of Valencia CF.
🎙️ Javier Solís: "We can't tolerate the statements by Mr. Ancelotti where he branded all of the fans at Mestalla as racist"
— Valencia CF (@valenciacf_en) May 21, 2023
“Klubi dënon çdo lloj fyerje raciste dhe po punon për të identifikuar njerëzit që dyshohet se kanë bërë një gjest apo veprim, por të quash të gjithë tifozët e Valencia-s racistë është absurditet dhe klubi nuk mund të heshtë”.
“Ne e kuptojmë se kur Ancelotti kupton gabimin që ka bërë dhe deklaratat shumë të rënda që ka bërë, duhet të kërkojë falje, në të njëjtën mënyrë që trajneri dhe unë dënojmë çdo fyerje raciste. Në të njëjtën mënyrë, kur ai e kupton gabimin, ai ka bërë, ai duhet të kërkojë falje.”
Valencia më herët lëshoi një deklaratë në faqen e tyre të klubit duke dënuar atë që ndodhi dhe duke konfirmuar se do të hetojë.
Deklarata e klubit të Valencia-s pas ndeshjes:
Valencia dëshiron të dënojë publikisht fyerjet dhe sulmet e të gjitha llojeve në futboll”, thuhet në deklaratë.
OFFICIAL STATEMENT
— Valencia CF (@valenciacf_en) May 21, 2023
Klubi ka një angazhim të vendosur ndaj vlerave të respektit dhe sjelljes sportive dhe ri-përsërit qëndrimin tonë kundër dhunës fizike dhe verbale në stadiume. Kështu, ne jemi të pikëlluar nga ngjarjet që ndodhën gjatë ndeshjes së 35-të të La Liga-s kundër Real Madridit.
Edhe pse ky është një episod i izoluar, ofendimet ndaj çdo lojtari kundërshtar nuk kanë vend në futboll dhe nuk përputhen me vlerat dhe identitetin e Valencia-s.
Klubi po heton se çfarë ka ndodhur dhe do të marrë masat më të rënda kundër autorëve. Valencia gjithashtu dënon çdo shkelje dhe kërkon respektin maksimal për tifozët tanë.
Ndërsa denoncoi fuqishëm këto incidente të izoluara, Valencia dëshiron të falënderojë më shumë se 46 mijë tifozët e pranishëm për mbështetjen e tyre për ekipin”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”