Carlo Ancelotti ka thënë se Real Madrid-i nuk do të kërkojë të forcojë skuadrën e tyre gjatë afatit kalimtar të janarit.
Madridi ka bërë një fillim të fortë të sezonit, duke humbur vetëm një herë 3-2 në Ligën e Kampionëve në mesjavë kundër RB Leipzig, me kualifikimin për në raundin e 16-të tashmë të siguruar.
Shqetësimet për dëmtimet për Karim Benzema – i cili ishte jashtë fushës për një muaj, do të humbasë edhe ndeshjen e së dielës në La Liga me Girona-n, me Ancelottin që thotë se ai “ende nuk është 100%” – kishte çuar në spekulime se Madridi mund të kërkojë për një qendërsulmues rezervë.
“Ne nuk po mendojmë për merkaton e janarit sepse nuk jemi të interesuar për merkaton e janarit”, tha Ancelotti të shtunën. “Kjo është skuadra që do të vazhdojë deri në fund të sezonit, nuk do të ndryshojë”.
Rodrygo Goes, i cili ka luajtur në vend të Benzema-s, ka qenë i padisponueshëm në javët e fundit, nuk u stërvit të shtunën, por Ancelotti tha se do të ishte i disponueshëm për t’u përballur me Girona-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
