Lajme

Ambasada amerikane në Kosovë ngre në gjysmështizë flamurin për të nderuar viktimat e Teksasit


19 fëmijë të vegjël dhe dy të rritur kanë vdekur nga të shtënat në një shkollë fillore në Teksas.

Personi i armatosur ka hapur zjarr në shkollën fillore Robb – e cila mëson fëmijët e moshës shtatë deri në 10 vjeç – në qytetin e Uvalde para se të vritej nga forcat e rendit.

I dyshuari 18-vjeçar kishte një pistoletë, një pushkë gjysmë automatike AR-15. Adoleshenti dyshohet se ka qëlluar edhe gjyshen e tij para sulmit në shkollë.

Në rast të kësaj tragjedie, Ambasada e Shteteve të Bashkuara të Amerikës në Kosovë ka vendosur flamurin në gjysmështizë, për të nderuar viktimat nga sulmi në Teksas.

“Sot flamuri ynë fluturon në gjysmështizë për të nderuar viktimat e akteve të pakuptimta të dhunës të kryera nga një person i armatosur në shkollën fillore Robb në Uvalde”, është shkruar në postimin e Ambasadës së SHBA-ve.

Në një fjalim nga Shtëpia e Bardhë, Presidenti i SHBA Joe Biden tha se ishte “i lodhur” duke iu përgjigjur të shtënave masive, pasi ai bëri thirrje për kontrollin e armëve.

“Sa shumë fëmijë të vegjël që panë atë që ndodhi – shohin miqtë e tyre të vdesin, sikur të jenë në një fushë beteje, për hir të Zotit”, tha ai. “Ata do të jetojnë me të pjesën tjetër të jetës së tyre.”

Joe Biden në konferencë për media pas sulmit në shkollën fillore në Teksas. Foto: Leah Millis/Reuters

Ai urdhëroi që flamujt në Shtëpinë e Bardhë dhe ndërtesat e tjera federale të SHBA-së të valonin në gjysmështizë për nder të viktimave në Uvalde, përfshirë këtu edhe Ambasaden Amerikanë në Kosovë.

/Albanianpost.com


Lajmet kryesore