Të martën me datën 28 nentor, Amazon prezantoi një risi chatbot-in e tij të quajtur “Q”, një produkt i cili synon të sfidojë Microsoft dhe Google.
Kjo deklaratë u bë gjatë konferencës Reinvent të Amazon Web Services, e mbajtur në Las Vegas.
Chatboti Q është pjesë e përpjekjeve të fundit të Amazon për të krijuar zgjidhje inovative për tregun e softuerëve. Ky publikim vjen një vit pasi startupi OpenAI, me mbështetjen e Microsoft, prezantoi chatbotin e tij të njohur, ChatGPT.
Emri “Q” i chatbotit është një referencë ndaj personazheve të njohur në botën e filmave dhe serive televizive si James Bond dhe Star Trek.
Një version paraprak i chatbotit Q është i disponueshëm tani dhe disa nga veçoritë e tij janë falas.
Pasi të përfundojë versioni paraprak, një nivel për përdoruesit e biznesit do të kushtojë 20 dollarë në muaj, por vlen vetëm për një person.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com