Alicia Keys flet për fuqinë e plakjes, thotë se “njerëzit bëhen më të bukur duke u plakur”

Këngëtarja amerikane, Alicia Keys është në paqe me plakjen.

Në një intervistë me The Cut të revistës New York, transmeton AlbanianPost, muzikantja, 42 vjeçe, tregoi se ajo e ka përqafuar plakjen për shumë arsye.

“Më pëlqen të bëhem më e zgjuar. Më pëlqen të jem më e ndërgjegjshme. Më pëlqen të jem e vetëdijshme për atë që mendoj”, tha ajo.

“Më pëlqen të jem në kontakt me atë që mendoj dhe të ndihem rehat duke ditur se ajo që di është gjëja e duhur për mua, se nuk duhet të kërkoj aq shumë vërtetim nga të gjithë të tjerët për të vendosur nëse kjo është një gjë e mirë për mua apo jo”, shtoi ajo.

Keys beson gjithashtu se “njerëzit zbukurohen ndërsa rritesh” sepse “zemrat hapen më shumë ” dhe “njerëzit kanë cilësi rreth vetes që janë shumë më e fortë në një farë mënyre”.

Ylli i hitit “Diary” tha për median se pasi filloi në industrinë e muzikës në moshë të vogël, mësoi se si donte të shprehej me kalimin e kohës.

“Më hapi sytë se si nuk ndihesha rehat apo e bukur nëse nuk do të kisha grimin dhe veshjet e përsosura, reflektova, thash me vete ‘çfarë janë këto komplekse?’”.

Ky reflektim ishte ai që ndikoi në vendimin e Keys për të dalë pa grim në vitin 2016.

“Unë mendoj se ishte vetëm ndërgjegjësimi se sa shumë ne u pajtuam me standardet shoqërore të bukurisë dhe nuk e kisha menduar vërtet këtë më parë. Thjesht nuk e kisha menduar”, tha ajo.

Keys ka thënë se tanimë gëzon një relacion tjetër me grimin, të cilin e cilëson si “korrekt”.

“Unë mund të përcaktoj se çfarë është e bukura për mua. Askush nuk mund të më thotë se çfarë është kjo, dhe unë nuk mund t’i them askujt se çfarë është kjo. Kjo është arsyeja pse marrëdhënia ime me [makijazhin dhe bukurinë] ka ardhur në vendin ku është”, përfundoi ajo.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.