Algjeria është në mesin e tre vendeve që kundërshtojnë projekt-rezolutën e paraqitur nga Shtetet e Bashkuara të Amerikës në Këshillin e Sigurimit të Organizatës së Kombeve të Bashkuara.
Kjo e fundit, për të kërkuar një armëpushim në Rripin e Gazës që të përkojë me lirimin e pengjeve.
“Nuk kishte asnjë kërkesë të qartë për një armëpushim”, ka theksuar Amar Bendjama, përfaqësuesi i përhershëm i Algjerisë në OKB.
Sipas tij, ata që besojnë se fuqia okupuese izraelite do të zgjedhë të respektojë detyrimet e saj ligjore ndërkombëtare, e kanë gabim.
“Ne e njohim përpjekjen e bërë nga delegacioni amerikan, veçanërisht nga ambasadori Greenfield, në pranimin e disa prej propozimeve tona”, ka vijuar ai.
Por “shqetësimet tona kryesore kanë mbetur pa përgjigje, pavarësisht versioneve të shumta të rishikuara dhe të shpërndara”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
