Lajme

AKB propozon heqjen e akcizës për derivatet e naftës


Agim Shahini. Kryetari i Aleancës Kosovare të Bizneseve (AKB)

Qeveria e Kosovës duhet të heq akcizën për derivatet e naftës, për një periudhë të caktuar, ka deklaruar Agim Shahini, Kryetari i Aleancës Kosovare të Bizneseve (AKB).

Këtë “propozim” Shahini thotë se shteti mund ta bëj vetëm gjatë periudhës së verës, për të ndihmuar qytetarët të tejkalojnë krizën.

Heqja e akcizës, sipas Shahinit do të ulte çmimet e derivateve të naftës shumë më shumë se vetëm 35 cent.

Ai ka deklaruar se ka kërkuar që mazha për import dhe shitje të derivateve të naftës të jetë së paku 2% për kurse mazha për shitje me pakicë të jetë rreth 10%.

“Kosova duhet të merr shembuj të mirë të shteteve të ndryshme për tejkalimin e krizës pas shtrenjtimit të energjisë, derivateve dhe të gjitha artikujt ushqimor. AKB-ja i propozon Qeverisë që përkohësisht deri në fund të verës të suspendon akcizën në derivate e cila do të ndihmon më shumë se 35 cent për çdo litër për çdo qytetar pavarësisht a është ai subjekt ekonomik apo subjekt individual”.

Shahini është i bindur se ulja e çmimit të derivateve të naftës, ashtu siç ka kërkuar qeveria është e dëmshme për bineset.

“Qeveria nuk mund të kërkojë uljen e fitimit, ata nuk mund të punojnë në humbje dhe në rast se ata detyrohen të punojnë sipas kërkesës së uljes së mazhës në përqindje të ultë, ata do të rrezikojnë që tregu të mbetet pa furnizim të derivateve. Ne si AKB i kërkojmë Qeverisë që mazha për import dhe shitje të derivateve të naftës të jetë së paku 2 për qind kurse mazha për shitje me pakicë të jetë përafërsisht rreth 10 për qind”, ka thënë Shahini për Ekonomia Online.

Ai ka shtuar se lirimi i përkohshëm nga akciza do të rimburësohet nga rritja e çmimeve nga TVSh-ja dhe Dogana.

“Sipas analizave tona mbi 25 cent janë më shumë mjete të hyra për litër të planifikuara nga doganat dhe akciza, prandaj në këtë moment shteti dhe buxheti i saj nuk do të humb asgjë, do t’i merr të hyrat e planifikuara, këto të hyra janë të paplanifikuara, rritja e çmimit të derivateve, prandaj Qeveria duhet të reflektojë pozitivisht. Nëse do të hiqet akciza do të ishte e mjaftueshme që përkohësisht të mbulohen nga TVSh dhe dogana humbjet e akcizës”.

Shahini thotë se është antikushtetues të kërkohet ndërhyrja në përcaktimin e mazhës, por Qeveria mund të marrë masa të tjera siç kanë bërë shumë shtete, duke i liruar qytetarët nga taksat dhe akciza.

“Qeveria vazhdimisht bizneseve po u kërkon uljen e mazhës, ndërsa vet nuk po reflekton, asgjë nuk po ndërmerr. Është antikushtetues të kërkohet ndërhyrja në përcaktimin e mazhës, është e garantuar me Kushtetutë, por nuk është antikushtetuese që shteti, Qeveria e vendit të lirojë përkohësisht nga akciza qytetarët e vet, siç është Maqedonia, Sllovenia, Kroacia, dhe së fundmi Hungaria, i cili është çmimi më i lirë në Evropë me më së paku 22 cent, pikëshit për shkak se i ka liruar qytetarët e vet nga taksat dhe nga akciza për tejkalimin e krizës”.

/Albanianpost.com


Lajmet kryesore