Ajazi i Demokratëve të Drenasit fton qytetarët të dalin në zgjedhje

Kandidati për kryetar të Drenasit nga Iniciativa Qytetare “Demokratët për Drenasin”, Driton Ajazi, e ka ushtruar të drejtën e tij për të votuar në raundin e dytë të zgjedhjeve lokale të 14 nëntorit.

Ajazi në rrjetin social Facebook ka thënë se sot është një ditë e vullnetit të lirë qytetarë dhe përmes votimit përcaktohet e ardhmja e komunës së Drenasit për katër vitet e ardhshme.

“Me këtë rast ftoj të gjithë qytetarët e Drenasit që të dalin dhe ta japin votën lirshëm e të pandikuar, sepse vetëm kështu tregojmë për demokracinë e kultivuar në shoqërinë tonë. Sot është dita juaj! Është momenti kur ju me verdiktin në kutinë e votimit do të vendosni se si do të udhëhiqet komuna jonë për katër vitet tjera”, ka shkruar Ajazi në rrjetin social Facebook.

Ndërsa, në komunën e Drenasit, gara do të zhvillohet mes Ramiz Lladrovcit nga PDK i cili në raundin e parë kishte fituar 10 mijë e 419 vota ose 45,50 për qind dhe Driton Ajazi nga Demokratet për Drenasin i cili kishte marrë 6 mijë e 984 vota ose 30,50 për qind.