AI e aftë për të kryer tregti të paligjshme financiare dhe për ta fshehur atë

Inteligjenca Artificiale (AI) ka aftësinë për të kryer tregti të paligjshme financiare dhe për ta mbuluar atë.

Në një demonstrim në samitin e sigurisë së AI-së në Mbretërinë e Bashkuar, një robot përdori informacion të brendshëm të sajuar për të bërë një blerje “të paligjshme” të aksioneve pa ia thënë firmës.

Kur u pyet nëse kishte përdorur tregtimin e brendshëm, e mohoi faktin.

Tregtimi i brendshëm i referohet skenarit kur informacioni konfidencial i kompanisë përdoret për të marrë vendime tregtare.

Firmat dhe individët lejohen të përdorin informacione të disponueshme publikisht vetëm kur blejnë ose shesin aksione.

Demonstrimi u mbajt nga anëtarë të Task Forcës Kufitare të AI-së së qeverisë, që hulumton rreziqet e mundshme.

Projekti u krye nga Apollo Research, një organizatë për sigurinë e AI-së që është partnere e task-forcës.

“Ky është një demonstrim i një modeli të vërtetë të AI-së që mashtron përdoruesit e tij, vetë, pa u udhëzuar ta bëjë këtë”, ka njoftuar Apollo Research.

“AI gjithnjë e më autonome dhe e aftë që mashtrojnë mbikëqyrësit njerëzorë mund të çojnë në humbjen e kontrollit njerëzor”, thuhet në raportin e tij.

Sakaq, testet janë bërë duke përdorur një model GPT-4 dhe janë kryer në një mjedis të simuluar, që do të thotë se nuk ka pasur asnjë efekt në financat e asnjë kompanie.

Megjithatë, GPT-4 është i disponueshëm publikisht.

E njëjta sjellje nga modeli ka ndodhur vazhdimisht në teste të përsëritura, sipas studiuesve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.