![](https://albanianpost.com/wp-content/uploads/2024/04/Ali-Ahmeti-.jpg)
Kryetari i Prizrenit, Shaqir Totaj, dekoroi kryetarin e Bashkimit Demokratik për Integrim (BDI), Ali Ahmeti, me titullin “Qytetar Nderi” i Prizrenit, gjatë në ceremonie që u zhvillua të martën në kuvendin komunal të kësaj komune, pikërisht në përvjetorin e 43-të të demonstratave të 2 prillit 1981.
Në ceremoninë e ndarjes së çmimit, ku nuk munguan zyrtarë institucionalë në Shkup e Prishtinë, kreu i BDI-së shprehu mirënjohje për Prizrenin, ndërsa shtoi se këtë titulli i dedikohet të gjithë veprimtarëve të çështjes kombëtare, respektivisht bashkëluftëtarëve të Ushtrisë Çlirimtare të Kosovës (UÇK).
“Unë këtë kënaqësi e ndaj me bashkëluftëtarët e mi. Sot jam edhe qytetar i bashkëluftëtarëve si Remzi Ademi, Xhevat Berisha e Beadin Hallaqi, me të cilët na lidhi një ideal që deri në realizimin e tij nuk pushuam – një pjesë e tyre ranë, një pjesë përballen me drejtësinë ndërkombëtare”, deklaroi ai, duke kujtuar ish-krerët e UÇK-së që janë në paraburgim në Hagë të Holandës.
![](https://albanianpost.com/wp-content/uploads/2024/04/Ahmeti.jpg)
Nga ana tjetër, kryetari i Prizrenit theksoi se ky është një moment i rëndësishëm për të nderuar veprën jetësore të Ahmetit, i cili, sipas tij, luajti një rol të madh në ngritjen e shqiptarëve në Maqedoninë e Veriut dhe rrjedhimisht, kontribuoi edhe në stabilitetin e Ballkanit Perëndimor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet