Ahmetaj: 30 milionë euro për përmirësimin e rrjetit të energjisë elektrike në veri të vendit
Pas mbledhjes së Këshillit të Ministrave, zëvendëskryeministri i Shqipërisë, Arban Ahmetaj njoftoi 30 milionë euro për përmirësimin e rrjetit të energjisë elektrike në veriun e Shqipërisë.
“Sapo kaluam një draft marrëveshje që ka marrë formën e marrëveshjes me Italinë. Ka të bëjë me angazhimin e qeverisë italiane në raport me konferencën e donatorëve për rindërtimin”.
Sipas Ahemtajt, do të merren 90 milionë euro kredi të qeverisë italiane dhe do të përdoren për përmirësimin e rrjetit energjetik, për sektorin e bujqësisë dhe për emergjencat civile.
“I dedikohet një shumë prej 30 milionë eurosh gjithë përmirësimit të rrjetit të energjisë elektrike në veriun e Shqipërisë. Është pjesë e angazhimit prej 90 milionë eurosh kredi të qeverisë italiane dhe do të pasohet në javët që vjen me një 30 milionësh kredi për sektorin e bujqësisë, kryesisht tek peshkimi dhe një 30 milionë eurosh tjetër që ka të bëjë me emergjencat civile, e dedikuar për të gjithë ngritjen apo rifreskimin e pajisjeve që janë vjetëruar të flotës së emergjencave civile”, tha zëvendëskryeministri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë