Asociacioni i Gazetarëve të Kosovës (AGK), ka falënderuar të gjithë kolegët gazetarë, kameramanë e fotoreporterë për punën e palodhshme përgjatë vitit 2021.
Përkushtimi i gazetarëve ishte i lartë, pavarësisht se ishte vit sfidues.
“Do të ishte pothuajse e pamundur të qëndronim të informuar për zhvillimet e fundit politike, shëndetësore, ekonomike, arsimore, kulturore e sportive në vend, pa përkushtimin tuaj”.
Me rastin e përfundimit të vitit, AGK-ja përmes një statusi në rrjetin social Facebook, ka bërë një falënderim të veçantë, i cili u dedikohet veçanërisht atyre që në kohë festash punojnë për të informuar publikun.
“Një falënderim i veçantë u dedikohet të gjithë kolegëve që në kohë festash punojnë për të raportuar e informuar drejt publikun. Njëherësh, u bëjmë thirrje të raportojnë në AGK, nëse punëdhënësit nuk do t’ua kompensojnë ditët e pushimit. Urime festat, qoftë 2022 vit i mbarë!”, është shkruar në njoftimin e AGK-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
-
Posta apelon qytetarët të mos bien pre e mesazheve të dyshimta
-
Haradinaj në takim me Orav thekson nevojën që Kosova t’i kthehet kursit të integrimit euro-atlantik