Agjenti i Gundogan: Ai mendon vetëm për City-n, nuk ka marrëveshje me asnjë klub

“Ilkay Gundogan ka arritur marrëveshje dhe nga sezoni i ardhshëm do të jetë pjesë e Barcelonës” – ishin titujt e mediave të mëdha botërore.

Megjithatë, kjo është mohuar nga agjenti i tij, i cili së fundmi ka thënë se Gundogan nuk ka marrëveshje me asnjë klub, por fokusi i tij është te Manchester City.

“Padyshim që ende nuk ka marrëveshje me asnjë klub. Fokusi i Ilkay në javët e fundit ishte vetëm te City, fundi i sezonit dhe lindja e djalit të tij”, tha ai për The Guardian.

Ilkay Gundogan's agent, Ilhan: “There’s definitely no agreement yet with any club. The focus of Ilkay in recent weeks was only on City, end of the season and the birth of his son”, told The Guardian 🔵 #MCFC

“Where Ilkay plays next season is still open”. pic.twitter.com/9zNqvnV72u

— Fabrizio Romano (@FabrizioRomano) March 30, 2023

Manchester City në anën tjetër, është ende duke pritur që Gundogan të vendosë për të ardhmen e tij – duke marrë kohë pasi kontrata e re ndoshta do të nënkuptonte përfundimin e karrierës së tij atje.

Kjo pasi që turkut me pasaportë gjermane i skadon kontrata me “Qytetarët” në fund të këtij sezoni.

Në anën tjetër, Barcelona kërkon që ta transferojë me parametra zero mesfushorin 32-vjeçar, por flitet se është edhe një klub tjetër që ka interesim të madh për futbollistin, që mediat thonë të jetë Paris Saint-Germain.

👇🏻✅ https://t.co/m5XWLU1jk2

— Fabrizio Romano (@FabrizioRomano) March 30, 2023

Kujtojmë që Gundogan është pjesë e Manchester City-t që nga vera e vitit 2016, kur u trasnferua nga Borussia Dortmund për shumën e 27 milionë eurove.

Deri më tani ai ka luajtur në 290 ndeshje në të gjitha garat me fanellën e City-t, prej të cilave ka shnuar 53 gola dhe ka dhuruar 37 asistime.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.