Kryetari i Lidhjes Demokratike të Kosovës, Lumir Abdixhiku, në një fjalim në Këshillin e Përgjithshëm të LDK-së të martën, ka artikuluar kritika ndaj Qeverisë së Kosovës, e cila sipas tij në tre vjet e gjysmë qeverisje “nuk ka lënë asnjë shenjë në asnjë fushë”.
Duke theksuar se Kosova duhet të jetë e anëtarësuar në NATO e Bashkimin Evropian dhe të ketë miqësi të përhershme me Shtetet e Bashkuara të Amerikës, Abdixhiku ka vlerësuar se me Qeverinë aktuale të Kosovës, kjo e “ardhme duket e zymtë dhe e trishtë”.
“Ajo thërret për angazhimin tonë monumental si garantues të vetëm politik të shtetësisë si projektues të republikës e si besimtar të vetë demokracisë”, potencoi ai.
Të gjitha shtyllat identitare të Kosovës, sipas Abdixhikut, me ekzekutivin e udhëhequr nga kryeministri, Albin Kurti, janë vënë në “peshoren e fateve të popullistëve”.
“Ato po gërmohen po rrënohen dhe po tjetërsohen si synim ideologjik i mosbesuesve të pavarësisë”.
Abdixhiku gjatë fjalimit të tij ka konsideruar se në Kosovë duhet të ketë një moment reflektimi.
“Ky moment thërret për përgjegjësi, duhet dorëheqje. LDK refuzon farsën e darkave, LDK është e gatshëm dhe kërkojmë dorëheqje të qeverisë. Fillimisht dorëheqja e pastaj shpërbërje”, ka shtuar ai.
I pari i LDK-së ndër të tjera ka konsideruar në këtë situatë ku ndodhet Kosovës është domosdoshme bashkimi “i së djathtës në Kosovë”.
“Rrugëtimi euroatlantik, zhvillimi ekonomik nuk kanë gjasë, siç u pa tash e tri vite e gjysmë, me këtë pushtet populist e majtist. Për popullin e Kosovës janë të mjaftueshme tri vite për të kuptuar jo vetëm mënyrën e bërjes politik, por edhe paaftësinë fundamentale për moszgjidhjen e problemeve sidomos atyre nacionalë”, u shpreh Abdixhiku.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
-
Posta apelon qytetarët të mos bien pre e mesazheve të dyshimta
-
Haradinaj në takim me Orav thekson nevojën që Kosova t’i kthehet kursit të integrimit euro-atlantik
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke