Kryetari i Lidhjes Demokratike të Kosovës, teksa ka njoftuar se ka qëndruar për t’u takuar me aktivistët e partisë në Viti, ka hedhur akuza në drejtim të Qeverisë së Kosovës të cilën e ka quajtur “populiste”.
“Teksa po futemi në vitin e katërt të pushtetit populist, me plot 12 miliardë euro të menaxhuara në vetëm katër vjet; për qytetarët në çdo anë po bëhet gjithnjë më e qartë se shenjat e mëdha, ndryshimet thelbësore, projektet zhvillimore, nuk kanë për të ardhur asnjëherë”, shkroi Abdixhiku në Facebook.
Për deputetin e LDK-së, zhvillimi “nuk është synim i kësaj Qeverie”, derisa ka shtuar se “për populistët, zhvillimi vërtetë është i vështirë”.
“Në vend të kësaj, ne po udhëhiqemi nga politika të vazhdueshme përplot simbolikë. Aso të zhurmshme që marrin vëmendje dy-tre muajshe, por s’japin një ndryshim të vetëm për t’u mbajtur në mend; as në ekonomi, as në infrastrukturë, energjetikë, arsim, shëndetësi, sport apo kulturë. Zero ndryshim”.
Tutje, kreu i LDK-së ka potencuar se “koha po na ikën” dhe njerëzit po na largohen, gjersa vendi ka mbetur “peng kolektiv i populizmit simbolik’.
“Rruga e Re është zgjidhja. Le të flasim për zhvillim. LDK do të qëndroj në çdo qytet e fshat, për të shpërndarë mesazhin tonë të qartë. Strukturat tona janë gati! Lidhja është gati”, shtoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet
